Friday, November 4, 2016

Puonj Bikira Maria, Legion Maria: An E Sulwe mar Nam, Pinje te Rita



1.       “An e Sulwe mar Nam. An ema pinje rita; Wazungu rita, Wahindi bende rita. 

2.      Pinje mag ruodhi rita to podi matin nyaka akuong agol nyikwa Esau e mudho eka weche ne chopi.


3.      Un jo Luo, Wach nie dieru. 

4.      En Wach Nyasach Jakobo mane jorachar ojwan’go. Un make uru matek kik olalnu.

5.       Ero akelonu mos mawendo, mos ma Jopiny mudho ok nomorgo.  En mos mar “Oyawore”. Koro chakre kawuono, mosreuru ni “Oyawore” kata bed saa adi, nyaka otieno te.

6.      Polo koro ayawonu. Emmanuel oyawo dho od polo oweyo nono. Koro lemuru ni oyawore ka ugeno polo.

7.       Ooyo joraten’g, tin’guru wangeu malo urang polo.”