Tuesday, February 23, 2016

Puonj Simeo Melkio, Jerusalem Amoyo, 7/6/1987



E Kom Duon’g, Od Siprosa

Weche Jesus Gi Wasungu ma Switzerland

1.       Jesus ne owuoyo gi Wasungu mag Switzerland kane ofwenyore apoya kane ochokore gi ji buora.
2.       Wasungu ne openje niya: “Japuonj, wang’ni to idhi puonjo e piny mane?”
3.       To Jesus ne odwokogi niya: “Wang’ni adhi e piny moro ma ji ofuwe ma pok ji osome, jopinyno dendgi rotenge. “
4.       “To koro pesa moromo bandili ariyogi to adhigo, to bandili an’gwen gi to ukanna uru ka, abiro duogo kawo.”
5.       “ To kata ka ok aduogo kawogi, ka uwinjo ni alor e piny moro gi nying moro ni Simeo to ukelna, kata uterne jogago pesago mondo gigednago.”

Simeo Biro Tieko Higni Adi E Piny

6.       To msungu moro ne openje ni: “To e piny midhiyeno, idhi tieko higni adi e pinyno?”
7.       To nodwoko niya: “Onego atiek higni elufu an’gwen.”
8.       Eka msungu moro nopenje kendo niya: “To ma iwacho ni idhi tieko higni elufu an’gwen e pinyno, to donge muma wacho ni piny biro kethore kogik higa elufu ariyo?”
9.       Ban’g mano Jesus ne odwoko niya: “Ooh, iparo makare, wiya nende owil. Anachwanyra gi Serikal mar pinyno mondo igi owan’g gi nega gi sum.”

Tho Mar Simeo

10.     Ban’ge msungu moro ne ochako openje niya: “Japuonj, in to initho e dwe mar adi?”
11.     Jesus nodwoke niya: “Anyalo tho e dwe mar ochiko kata dwe mar auchiel; to bende anyalo medo dwechego ka ahero. To ahinya to nyaka atho e dwe mar ochiko.”

Ochak Jesus ni Got Mawuotho

12.     Omiyo jo Switzerland ne ochako Jesus ni “Got ma Wuotho” (The Moving Hill).
13.     Weche machongi gi yudore e buge machalo kamagi: “The International Careens of Missions”, “The God Chosen Word”, “The Chapel of Life.”
14.     En (bugegi) owuoyo e kaka ibiro nego Jesus gi sum.
15.     Owacho (gi wacho) niya, Japuonj nolor kendo e piny, to nolor gi ringrruok maraten’g machalo ogunia.
16.     Ringruokne ne luong ni ringrruok ma muofu.
17.     Nopuonji ka en e ringrruok ma muofu, to (mana) kuom higni moko mane ochike, eka ban’ge ne nege gi sum.

An’go ma Timore Tok Dok Simeo

18.     Ban’g mano, ne lin’g matin (eka) chuny Nyarombo maler nolor ma nochak owuoth kendo; enochak ochok kendo ji mane onege kod ji mane ok onege, kod jok ma remb gi ler mane ok onege.
19.     Enowuoth kodgi kanyakla achiel e pinje matindo gi madongo, miere matindo kod madongo be.
20.     To tok mano, enochul kuor kuom ji kod piny, ka onego gi masira malich e ndalo ma en owuon ema ochiko.
21.     To piny ma chuny Nyarombo nowuogie nobed gi tungni man’geny kod siasa; dala ma chunye nowuogie, lemo nobedie matin.”