LEMB
MANDAMANO
Mandamano
en lemo mikwayogo ne piny. Jo-Legio dhiga e Mandamano mondo gikwa Nyasaye mondo
okel kwe e piny; mondo okel winjruok e kind dhoudi malarore; mondo otiek kech
kod oro; mondo opar jok machandore kod matuo; kendo mondo ool gwethne mogundho
kuom ji duto. Mandamano bende en lemo mikedogo gi jachien, kendo migen’gogo
mipango maricho mag jochiende.
Mandamano
en wuoth kiluoro piny mikwayone kwe kod ber; kata kiluoro kanisa mikwayone
loth, nyak kod dongruok; kata kiluoro dala moro amora miriembe jachien.
Mandamano
mag lejo Maria gin tien’g ADEK:
a. Luoro dala kata piny saa lemb kwero jachien
(Lemb Mikael): e lemb kwero jachien moro amora (lemb Mikael), kata bedie ni
jadolo nitie kata onge, jo-Legio nyaka luor dala, kanisa, chiro, gwen’g kata
taon ma gilemone mondo konyruok obedie. Mano en achiel kuom Mandamano.
b. Mandamano mar sawo: E sawo moro amora mar
kanisa, Jo-Legio timo Mandamano mondo gikwa ber kod dongruok ne kanisano.
Ginyalo wuotho ka giluoro kanisano kata ginyalo dhi atwa matin oko e ndara ka
gilamo kendo gikwayo konyruok.
c. Mandamano ma Roho Okwayo: Jo-Legio ogeno
kuom Roho Maler, bende Roho ema chikogi. Koro ka gilemo, roho nyalo lor makwa
mondo otim Mandamano. Lemo machal kamano itimo kaluwore gi kaka Roho Maler
opime. Bende ok kal wach ma-Roho owacho.
LAIN
E
Mandamano, lainde bedo ariyo kende. Laind brathe kod laind wasista. E lain,
n’gato ka n’gato bedo kuma rangi mar kanzune nitiere. Ka in gi kanzu rachar,
ibedo ei jo-kanzu rachar, to ka in gi blu, ibet ei jok man gi kanzu blu.
KAKA JI
PANGORE
Nikech
Mandamano en lemb kedo kod jachien, jo-Mikael ema telo mbele. Kendo giduto
onego girwak lewni marokwere. Law rakwar e law Mikael. Onge kiko law rakwar gi
lawo moro. Omiyo Ka in Ja-mikael, nyaka irwak lawu rakwar maok ikiko gi moro. To
kobet ni in mana janabi, kaka ja-Cathorina kata ja-josef, ionge tiende ikikri
gi jo-Mikael e mbele kaok irwako lawu rakwar lilo.
Onge
chik matamo n’gato an’gata bedo ja-Mikael. Jo-Legio duto gin jo-Mikael nikech
giduto gikedo kod jochiende pile pile kod lemo. Ja- Mikael tiende ok en janabi;
to en jal mochiwore kedo kod jochiende. Omiyo ng’ato an’gata ma ja-legio timoga
lemb Mikael koluonge eod nyawadgi. Koro e Mandamano, gima idwaro mondo n’gato
obed mbele e grub Mikael en ni nyaka orwak lep Mikael (rakwar) kendo ochiwre ne
telo e kedo kod jochiende. Ji duto ni kod roho, kata bed ni gi duto ok gidhum.
Omiyo, ok ni jok ma koro kata ma dhum kende e jo Mikael.
Ban’g
Jo-mikael, jotin’g otamba mar loch Legio Maria luwogi. E Mandamano thothne
itin’go otamba Mama Maria kod pichane, to Mama Lejo ema nyaka tin’g picha kendo
telo eka methe mako otamba. Jok motin’go otamba nyaka ikre wuotho mos nikech
Maria ok yuknigo. To ka otin’g picha Wuonwa Simeo, to Baba Legio ema tin’go
pichano. Kundi mar jok motin’go pichni kod otembnigo ema betie jok motin’go
bandeche mag Klisia/Klisieche matimo Mandamano no.
Kuom
lewni, law rachar luwo rakwar (to rakwar telo mbele kendo wene rachar thuolo,
mi koro hie, en rachar ema chalo ni otelo), eka blue luwo rachar. Magi e
thothne lewni mitimogo Mandamano. To jok man kod lewni mamoko kaka law yelo,
papul, grin, orenj, kata mamokogo onego opangre kaluwore gi lemo mitimo. Sama
itimo sap Abraham, jo-Abraham nyalo luwo blu; to sama itimo sap Josef, to jok
morwako law Josef nyalo luwo blu.
Gima
omiyo law rachar nyaka luw Jo-Mikael en nikech en e law kwe. Jo-Mikael kosegolo
jochiende, to rachar luwo bang’e kaluoko piny. To gima omiyo blu mar Bikra
Maria luwo rachar en nikech, mani loch mar Legio Maria, koro kwe mikwayo no
kalo kuom loch mar Mama Mtakatifu. Bende, onge Jatakatifu monego otel e mbele
Bikira Maria, nikech Maria e Jatakatifu maduon’g. Omiyo kata kitimo sap
Jatakatifu moro amora, ok onego law Jatakatifuno tel e mbele law Bikira Maria
Mtakatifu, e Mandamano.
CHAKO
LEMB MANDAMANO
Nitiere
Mandamano man kod jochun’g gi kod maonge jochun’g. Kuom mfano, Mandamano ma got
Kalafare ne iteloe kod Rafael Abala kod Romanus On’gombe yare nene. Magi e
jochun’g e Mandamano no. Koro ka gin tiere, gin ema nyaka gichak lemb
mandamanogo kendo gitiek lemogo. Bende e kanisa ka kanisa, kata dioses ka
dioses man kod Mandamano nyaka bed gi jochun’g mar Mandamano gigo. Omiyo lemb
Mandamano ichako kod jachun’g.
Kaen
luoro mar mikael ma itimo e dala kata e kanisa, jachun’g en Padri. En ema ka
entiere to ochako kendo oloro lemono, mak mana ka nitiere bishop kata jal ma
rank mare oloye eka owene chako kod tieko lemo. To ka padre onge, n’gat
maduon’g moloyo kuom jok mantie e lemb luoro kata riwo ema chako kendo tieko
lemb Mandamano. E lemb Mandamano man kod jachun’g, jalo nyalo mana weyo kwayo
hawi kod omo E Nying Wuon mar chako kod mar tieko lemo ka Jadolo man kod rank
moloye nitie, to en kaka jachun’g, en e monego ochak lemo duto kendo otiek lemo
duto mohusiana gi Mandamano.
MFANO
MAR LEMB MANDAMANO:
J: JACHUN’G
E MANDAMANO
JO: JOK
MAN E MANDAMANO
PART 1:
CHAK MANDAMANO
(Ji
ogoyo chonggi piny, Jachun’g chako lemo)
J. E Nying Wuon?
JO. E Nying wuon, gi Wuoyi, gi Chuny Mtakatifu . Amen.
J. Chuny Mtakatifu
Bi?
JO. Donjie e chunya, ilera, ipuonja rieko mar mako wach
Nyasaye. Miya teko mar mako wach maber. Nikech Simeo ruodhwa. Amen.
J. Ruodhwa Simeo winj lemowa?
JO. Ywakwa mondo otundni.
J. Duon’g obedie ne Wuonwa, ne wuode, ne chuny Mtakatifu?
JO. Kaka nobedo kar kuongo, kendo kawuono, kendo ndalo duto,
higni gi higni. Amen.
J. Ruodhwa Simeo gol gowi mar marichowa?
JO. Iwarwa kuom sand mach maoktho.
J. Iterie chuny nyithindi duto e polo?
JO. Moloyo jok madwaro ng’uononi.
J. An ayie Nyasaye Wuonwa ker mokwongo mar Didek Mtakatifu,
A yie Baba Simeo, wuode mamiderma ruodhwa. Manolor e bor polo kokelo loch polo
e piny. Nobiro gi minwa Mama Maria Mtakatifu, mane ogoyo ligala got Kalvari.
Nomake, nosande, noyale e thurwa. Nopuonjowa, kendo notho nodok e polo, kuma
oyale jok mangima, koda jok motho.
JO. Ayie chuny Mtakatifu, e klisia Legio Maria Mtakatifu;
riwruok mar jotakatifu; golo mar marichowa; tony mar chunjewa; kod ngima
maokrum. Amen.
J. Amoso Nyasaye ker mokwongo mar Didek Mtakatifu. Misawa
Maria ipon’g gi nema; jahawi; kuom wuodi Simeo, nyathini, ijahawi.
JO. Maria Mtakatifu min Nyasaye, Ikwanwa wan joketho;
kawuono gi kar thowa. Amen.
J. Amoso Nyasaye ker mar ariyo mar Didek Mtakatifu. Misawa
Maria ipon’g gi nema; jahawi; kuom wuodi Simeo; nyathini, ijahawi.
JO. Maria Mtakatifu min Nyasaye, Ikwanwa wan joketho; kawuono
gi kar thowa. Amen.
J. Amoso Nyasaye ker mar adek mar Didek Mtakatifu. Misawa
Maria ipon’g gi nema; jahawi; kuom wuodi Simeo; nyathini, ijahawi.
JO. Maria Mtakatifu min Nyasaye, Ikwanwa wan joketho;
kawuono gi kar thowa. Amen.
J. Oyawore Wuonwa Simeo; wuon law abola wabiro iri, wan
joketho. Wabiro e komi mar n’guono, mondo wakwa konyrruok kuomi. Donge in ema
gima loyi onge; Jakony jok maneno chandrruok pile. Ikonyie klisia Legio Maria e
dioseswa mangima. Iriembie teko mudho momako chunywa. Ikonyie oganda, jokafiri
koda jok malami pile pile. Konywa waduto walem mayom e n’guono Nyasaye?
JO. Amen.
J. Lemo mar kwero.
JO. Nyasacha akwero marichona, gi chunya duto, mar giyanyi
kendo gikwinyi; ajok gi marichona, kendo akwerogi; nimar aheroi gi nemani;
achikora kodi kwero marichona, timo tim maber, adwaro tho moloyo timo tim
marach maduon’g, kata achiel. Amen.
J. Misawa Maria ipon’g gi nema; jahawi; kuom wuodi Simeo;
nyathini, ijahawi.
JO. Maria Mtakatifu min Nyasaye, Ikwanwa wan joketho;
kawuono gi kar thowa. Amen.
J. Ruoth winjie lemowa?
JO. Ywakwa mondo otundni.
J. Walem
JO. A Nyasaye jachwech, kendo jawar jok moyie duto. Gol
jotichni duto machwo kod mamon man e pugratori. Marichogi duto mondo iwenegi.
Kuom ng’uononi ka gisetieko ndalo duto. Nikech lemogi maber. Nikech Baba Simeo
ruodhwa. Amen.
PART 2:
BOGI OWUOK
(JI
chun’g malo, pango lain. Jachun’g ne Mandamano omo wer, kae to oweyo ne jawer;
kata odhi mana mbele gi wer kod lemo nyaka seche man an’g oomo walem kendo)
J. Ave,
Ave, Ave Maria; Ave, Ave, Ave Maria?
JO.
Ave, Ave, Ave Maria; Ave, Ave, Ave Maria?
J.
Nyasaye, noheroi, nochweyoi maler; nohoro malaika, niwinje maber?
JO.
Ave, Ave, Ave Maria; Ave, Ave, Ave Maria?
J.
Judea, nidhiye, mar limo wayu; Johanes, nowinjo, nomor gi mosni?
JO.
Ave, Ave, Ave Maria; Ave, Ave, Ave Maria?
J.
Maria oidho gode, madongo, kodhi limo Elizabeth; way-mare to mose, Kinefe
Oyawore?
JO.
Ave, Ave, Ave Maria; Ave, Ave, Ave Maria?
J.
Augustus, noluongi, niwuok Nazareth; Piny Bethlehem ninyuoloe, nyathini ruodhwa?
JO.
Ave, Ave, Ave Maria; Ave, Ave, Ave Maria?
J.
Jerusalem nidhiye ban’g somo Paska; ninwan’ge kobet piny, kowinjo weche
jopuonj.
JO.
Ave, Ave, Ave Maria; Ave, Ave, Ave Maria?
(Ji
osepango lainde kaluwore kod lepgi. Jo-Mikael osetelo. Ji wuok oko mondo ochak
wuoth. Wer dhi mbele)
J. Maria, wahere, waluonge niya; min
ruodhwa, min Simeo, ma winjo kwayowa?
JO. Ave, Ave, Ave Maria; Ave, Ave, Ave
Maria?
J. Chik iti, Maria winj ywak nyithindi; gik
moko ma wadwaro wanwan’go ga kuomi
JO. Ave, Ave, Ave Maria; Ave, Ave, Ave Maria?
J.
Maria in minwa, iminwa maler; ma nyinge wapwoyo, wapako sidan’g?
JO.
Ave, Ave, Ave Maria; Ave, Ave, Ave Maria?
J.
Wakwayo ne minwa klisia Legio; wakwayo ne papa, jakar ruodhwa e piny.
JO.
Ave, Ave, Ave Maria; Ave, Ave, Ave Maria?
(Jachun’g dhi mbele kod lemo)
J. Piny mangima, okwe mayom e n’guono Simeo.
JO. Amen.
J. Lwenje koda masiche, obar mayom e n’guono Nyasaye.
JO. Amen.
J. Twoche, kech koda oro, obar mayom, e ng’uono Simeo?
JO. Amen.
J. Misawa Maria ipon’g gi nema; jahawi; kuom wuodi Simeo;
nyathini, ijahawi.
JO. Maria Mtakatifu min Nyasaye, Ikwanwa wan joketho;
kawuono gi kar thowa. Amen.
J. Adiera diera Ohulo taya, kingi ma Jerusalem Amoyo; in ema
nikonowa niya; yawuot jorotenge; nyi jorotenge; kauneno ka lweny omoko e dieru,
ukawie katena gi rosary, mane Mama okelo, mondo uluornae piny. Kawuono wawuok
oko waywak. Konyie thurie. Barnwa touche koda masiche; tieknwa Lwenje koda
kedo; kelnwae koth koda nyak e puothe. Are konywa wa. Piny mangima okwe mayom e
nying Simeo.
JO. Amen.
J. Umbe Lwenje olal mayom e n’guono Simeo.
JO. Amen.
J. Misawa Maria ipon’g gi nema; jahawi; kuom wuodi Simeo;
nyathini, ijahawi.
JO. Maria Mtakatifu min Nyasaye, Ikwanwa wan joketho;
kawuono gi kar thowa. Amen.
J. Nok mar tije, chan mar miewa, koda nok mar yuto; orum
mayom a nying Simeo.
JO. Amen.
J. Wuonwa ma I polo, nyingi oluor, piny lochni obi, gima
idwaro mondo otimre e piny, kaka timore e polo.
JO. Imiwa tinende, chiembwa ma tinende. Iwenwa marichowa,
kaka waweyo ne jok motimo marach. Kik iterwa kar tem, to warwa kuom marach.
Amen.
J. Misawa Maria ipon’g gi nema. Ruoth obed kodi Ijahawi,
kuom mon, nikech wuodi Simeo, nyathini, ijahawi.
JO. Maria Mtakatifu min Nyasaye. Ikwanwa wan joketho,
kawuono gi kar thowa, Amen.
J. Ruoth winj lemowa
JO. Ywakwa mondo otundni.
J. Walem
JO. A Nyasaye jachwech, kendo jawar jok moyie duto. Gol
jotichni duto machwo kod mamon man e pugratori. Marichogi duto mondo iwenegi.
Kuom ng’uononi ka gisetieko ndalo duto. Nikech lemogi maber. Nikech Baba Simeo
ruodhwa. Amen.
(Jachun’g
weyo lemo ne n’gat machielo mondo koro ochun’g e lemo)
J.
Salive, Maria Salive, Salive, Salive, Salive Maria.
JO.
Salive, Maria Salive, Salive, Salive, Salive Maria
J.
Oyawore, Maria Oyawore; Oyawore, Oyawore, Oyawore Maria
JO.
Salive, Maria Salive, Salive, Salive, Salive Maria
J.
Wagondo Salu, Maria Wagondo Salu; Wagondo Salu, Wagondo Salu, Wagondo Salu gi
lemo.
JO.
Salive, Maria Salive, Salive, Salive, Salive Maria
J. Bi
itelnwa, Maria bi itelnwa; bi itelnwa, bi itelnwa, bi itelnwa Maria.
JO.
Salive, Maria Salive, Salive, Salive, Salive Maria
J.
Ikwanwa, Maria Ikwanwa; Ikwanwa, Ikwanwa; Ikwanwa konyrruok.
JO.
Salive, Maria Salive, Salive, Salive, Salive Maria
J.
Ikonywa, Maria Ikonywa; konywa, konywa, konywa Maria.
JO.
Salive, Maria Salive, Salive, Salive, Salive Maria
(Jatelo
e lemo nyalo omo wer machielo kendo niya)
J. Yesu
Nyarombo maler
JO.
Yesu Nyarombo maler
J.
Oyawore Nyarombo maler
JO.
Yesu Nyarombo maler
J. Bi
Ikonywa Nyarombo maler
JO.
Yesu Nyarombo maler
J. Winj
Ywakwa Nyarombo maler
JO.
Yesu Nyarombo maler
J. Nyarombo
Nyasaye ma jachien oluoro pile.
JO.
Yesu Nyarombo maler
(Jatend
lemo dhi mbele kod lemo; ji wuotho mos mos)
J. Piny mangima, okwe mayom e n’guono Simeo.
JO. Amen.
J. Lwenje kod masiche, obar mayom e n’guono Nyasaye.
JO. Amen.
J. Twoche, kech kod oro, obar mayom, e ng’uono Simeo?
JO. Amen.
J. Misawa Maria ipon’g gi nema; jahawi; kuom wuodi Simeo;
nyathini, ijahawi.
JO. Maria Mtakatifu min Nyasaye, Ikwanwa wan joketho;
kawuono gi kar thowa. Amen.
J. Miwa hawi; miwa kwe kod ber e thurwa. Are konywa wa.
Pinywa duto okwe mayom e n’guono Nyasaye.
JO. Amen.
J. Simeo ma Wuonwa in e ruodhwa; wabiro iri mondo koro
ikonywa. Riembnwa mudho momako thurwa. Kelie resrruok e mierewa; konyie
nyithindo masomo, medgie rieko. Konyie jok maloko owelni, medie nwen’gogi;
resie jok matuo, medgie ngima; konyie jok manie wuodhe, chopgi maber; ikonyie
jopur, medie koth; konyie jolupo, migie rech. Are kony piny te. Oganda duto
oyud konyrruok, boch koda mirembe. Piny mangima okwe, okwe mayom, e n’guono Nyasaye.
JO. Amen.
J. Wan in ema iorowa mondo watim lemo. Simeo in ema
iluongowa mondo wakwa ne piny. Kik iwe wawuoth kendwa eyo. Inyonie mudho momako
piny. Kethie chenro duto mag jochiende. Are kony piny tee, oganda duto okwe
mayom e n’guono Nyasaye.
JO. Amen.
J. Nyasach gi Timotheo Atila jakwath; Nyasach gi Chiaji
Lawrende jakwath; Nyasach gi Rafael Adika jakwath; Nyasach Rafael Abala,
Nyasach gi On’gombe Romanus, konywa; Nyasach gi Mumbo Karilus, Nyasach gi
Okweto Silvester konywa. Medwa nema mar lemo ka pod wangima. Golie mudho momako
thurwa. Are konywa wa. Piny duto okwe mayom, okwe mayom, e nguono Nyasaye.
JO. Amen.
J. Misawa Maria ipon’g gi nema; jahawi; kuom wuodi Simeo;
nyathini, ijahawi.
JO. Maria Mtakatifu min Nyasaye, Ikwanwa wan joketho;
kawuono gi kar thowa. Amen.
J. Miwa hawi; miwa kwe kod ber e thurwa. Are konywa wa.
Pinywa duto okwe mayom e n’guono Nyasaye.
JO. Amen.
J. Lwenje kod masiche, obar mayom e n’guono Nyasaye.
JO. Amen.
J. Twoche, kech koda oro, obar mayom, e ng’uono Simeo?
JO. Amen.
J. Misawa Maria ipon’g gi nema; jahawi; kuom wuodi Simeo;
nyathini, ijahawi.
JO. Maria Mtakatifu min Nyasaye, Ikwanwa wan joketho;
kawuono gi kar thowa. Amen.
J. Miwa hawi; miwa kwe kod ber e thurwa. Are konywa wa.
Pinywa duto okwe mayom e n’guono Nyasaye.
JO. Amen.
J. Walem
JO. A Nyasaye jachwech, kendo jawar jok moyie duto. Gol
jotichni duto machwo kod mamon man e pugratori. Marichogi duto mondo iwenegi.
Kuom ng’uononi ka gisetieko ndalo duto. Nikech lemogi maber. Nikech Baba Simeo
ruodhwa. Amen.
(Jal
machielo kawo lemo kendo telo nyaka ang ochak oom walem)
J.
Lweny marwa mar lemo; alleluia wanalo lweny gi teko mar Nyasaye
JO.
Lweny marwa mar lemo; alleluia wanalo lweny gi teko mar Nyasaye
J.
Lweny marwa mar lemo; alleluia wanalo lweny gi teko mar Nyasaye
JO.
Lweny marwa mar lemo; alleluia wanalo lweny gi teko mar Nyasaye
J.
Ruodhwa Simeo, e Jatend lweny ni
JO.
Lweny marwa mar lemo; alleluia wanalo lweny gi teko mar Nyasaye
J.
Minwa Maria bende otelo e lweny ni
JO.
Lweny marwa mar lemo; alleluia wanalo lweny gi teko mar Nyasaye
J.
Jomalaika otelo e lweny ni
JO.
Lweny marwa mar lemo; alleluia wanalo lweny gi teko mar Nyasaye
J.
Mikael ochun’g e lweny ni
JO.
Lweny marwa mar lemo; alleluia wanalo lweny gi teko mar Nyasaye
J.
Rafael, ochun’g e lweny ni
JO.
Lweny marwa mar lemo; alleluia wanalo lweny gi teko mar Nyasaye
J. Jo-
Latilati bende otelo e lweny ni
JO.
Lweny marwa mar lemo; alleluia wanalo lweny gi teko mar Nyasaye
J.
Jotakatifu ochun’g e lweny
JO.
Lweny marwa mar lemo; alleluia wanalo lweny gi teko mar Nyasaye
J.
Juliana gi Agatha jotend lweny ni
JO.
Lweny marwa mar lemo; alleluia wanalo lweny gi teko mar Nyasaye
J.
Josef othoro jatend lweny ni
JO.
Lweny marwa mar lemo; alleluia wanalo lweny gi teko mar Nyasaye
J.
Jowadwa kik uluor wadhi loyo
JO.
Lweny marwa mar lemo; alleluia wanalo lweny gi teko mar Nyasaye
J.
Owete kik uluor wadhi loyo lweny
JO.
Lweny marwa mar lemo; alleluia wanalo lweny gi teko mar Nyasaye
J.
Nyimine kik uluor wadhi loyo lweny
JO.
Lweny marwa mar lemo; alleluia wanalo lweny gi teko mar Nyasaye
(Jatend
lemo chak omo wer machielo)
J.
Wamor wahil
JO.
Nikech wach ngima
J.
Wamor wahil
JO.
Nikech wach ngima moseko riwo chunje
J.
Wamor wahil
JO.
Nikech wach ngima
J.
Wamor wahil
JO.
Nikech wach ngima moseko riwo chunje
J.
Oriwa gi Joluowa
JO.
Nikech wach ngima
J.
Wamor wahil
JO.
Nikech wach ngima moseko riwo chunje
J.
Oriwa waganda
JO.
Nikech wach ngima
J.
Wamor wahil
JO.
Nikech wach ngima moseko riwo chunje
J.
Oriwa gi Wachina
JO.
Nikech wach ngima
J.
Wamor wahil
JO.
Nikech wach ngima moseko riwo chunje
J.
Oriwa gi Wagisu
JO.
Nikech wach ngima
J.
Wamor wahil
JO.
Nikech wach ngima moseko riwo chunje
J.
Oriwa gi Kikuyu
JO.
Nikech wach ngima
J.
Wamor wahil
JO.
Nikech wach ngima moseko riwo chunje
J.
Oriwa gi Waluhya
JO.
Nikech wach ngima
J.
Wamor wahil
JO.
Nikech wach ngima moseko riwo chunje
(Jatend
lemo chako wer niya)
J. Oelo agulu madundo
JO.
Juogi dhiyo
J.
Maria Mama oelo agulu madundo
JO.
Juogi dhiyo makata idagi, makata iyie
J. Oelo agulu madundo
JO.
Juogi dhiyo
J.
Maria Mama oelo agulu madundo
JO.
Juogi dhiyo makata idagi, makata iyie
J. Jin
ma Mombasa nowinjo Mama mowuok oa
JO.
Juogi dhiyo
J. Jin
ma Mombasa nowinjo Mama mowuok oa
JO.
Juogi dhiyo makata idagi, makata iyie
J.
Jobilo ma Joluowa nowinjo Mama mowan’go bilo
JO.
Juogi dhiyo
J.
Jobilo ma Joluowa nowinjo Mama mowan’go bilo
JO.
Juogi dhiyo makata idagi, makata iyie
J. Sepe
ma Migori nowinjo Mama mowuok oa
JO.
Juogi dhiyo
J. Sepe
ma Migori nowinjo mama mowuok oa
JO.
Juogi dhiyo makata idagi, makata iyie
J.
Jonawi ma Alego nowinjo Mama mowan’go nawi
JO.
Juogi dhiyo
J.
Jonawi man Alego nowinjo Mama mowan’go nawi
JO.
Juogi dhiyo makata idagi, makata iyie
J.
Ogoyo chonge molemonwa
JO.
Juogi dhiyo
J.
Maria Mama ogoyo chonge molemonwa
JO.
Juogi dhiyo makata idagi, makata iyie
(Jatend
Lemo chako wero wer moro niya)
J. Taya
taya
JO.
Taya tach polo, taya otelonwa
J. Taya
taya
JO.
Taya tach polo, taya otelonwa
J. Taya
ma Kababa
JO.
Taya tach polo, taya otelonwa
J. Taya
mar Ohulo
JO.
Taya tach polo, taya otelonwa
J. Taya
mar Enure
JO.
Taya tach polo, taya otelonwa
J. Taya
mar Mama
JO.
Taya tach polo, taya otelonwa
J. Tach
gi Agatha
JO.
Taya tach polo, taya otelonwa
J.
Tachgi Jakobo
JO.
Taya tach polo, taya otelonwa
J.
Tachgi Daudi
JO.
Taya tach polo, taya otelonwa
J.
Ndagla wakuon’go
JO.
Taya tach polo, taya otelonwa
J. Nawi
wawan’go
JO.
Taya tach polo, taya otelonwa
J.
Juogi wagolo
JO.
Taya tach polo, taya otelonwa
(Jatend
Lemo dhi mbele kod lemo)
J. Piny mangima, okwe mayom e n’guono Simeo.
JO. Amen.
J. Lwenje kod masiche, obar mayom e n’guono Nyasaye.
JO. Amen.
J. Japuonj wabiro iri koro, kingi. Wuoyi mane Barasa omonjo
koda bunde, gi tiagas koda segegeny. Barasa nyiso Simeo niya. Simeo in miketho thurwa. In abiro maki
madwoki thuru. Un gi Abala adwaro makou kendo adwokou masawa. To On’gombe ni
abiro chwado. En abiro chwade, en abiro tere Simba Koria. To Simeo rango Barasa
Kodenge, to nyiso Barasa niya; Barasa an ok in’geya ngan’g ngan’g. An minenani
Wuonwa ema ne oora ethuru mondo abi amiu hawi. Un jorotenge jok mane iyanyo
kendo igweyo koda tielo. Abiro akelonu
hawi daun’ge, to da umaka gi lwetu tee. Japuonjwa kik itim mirima gi thurwa kod
ogandawa. Wan mane wamaki wateri e Jela Asego kiwenwa an’go. Wan ema ne wamaki
wateri e jela Kodiaga kiwenwa an’go. Are wenwa, konyie thurwa kod lemo. Misawa
Maria ipon’g gi nema; jahawi; kuom wuodi Simeo; nyathini, ijahawi.
JO. Maria Mtakatifu min Nyasaye, Ikwanwa wan joketho;
kawuono gi kar thowa. Amen.
J. Apoya nono wach
omonjowa Kalafare milambo. Barasa obiro gi Diyo gi askache saa Otieno. Ne
giyudo ka Simeo nindo otero. Jogi nomonjo got Oyawore, norodho ji. Ne gichiew
Baba e nindo gigoch. Ne gimako Baba gi vesti gi handa lilo; negidiro Baba e
lori kaka ogund mogo; negijako yier tike; negichwade, negirodhe, negituomo kore
koda bunde. Chien’gno piny ne lich ahinya milambo. Barasa nomako Ohulo motero
Migori e jela; eka ne nigolo Ohulo gitero Kanyada, Asego e jela.
Ma wach manochwoyo Adundo Mama kaka pala. Bikra Maria ne
puodore apuoda, Maria puodore e dier nyithindo. Mirima nomako Mama. Maria ywak
niya. Milambo utima nade milambo! Milambo utima nade milambo! Ondiek omako
rombona milambo. Otoyo yomba gi rombo milambo. To kane oloko wan’ge morango
nyithindo, ne oneno ka chuny jorotenge omoko. To Mama nyiso Jomalaika niya.
Malaike maknauru chuny nyithindo. Jotakatifu maknauru chunje nyithindo. Simeo
Iwenwa kik imak sadha gi thurwa. Maria iparwa kik mirima loyi kodwa. Are kony
thurwa, walem mayom e n’guono Nyasaye.
JO. Amen.
J. Ma emomiyo kane ogik chien’g bura. Maria wacho; Miya uru
ludha adhigo Kanyada. Ere ludha, ere ludha; ere ludha, ere ludha. Maria nokawo
ludhe mowuok; wuoth ochomo Asego Kanyada. Kane Maria ochopo e jela, mi Ohulo
oneno min mare; mirima nomake Ohulo. Mirima nochwoyo adundo Baba kaka pala. Mi
Simeo noywayo mabuse gi opingo morwake e jela. To Maria ywak niya e jela:
Milambo utima nade milambo! Milambo utima nade milambo. Koso anyon jela mondo
osiki. Koso anyon Asego mondo olutre! Ma emomiyo kane Mama odonjo e jela, to
Mama nyiso Jaji niya: wuoyi mobet e n’gango miya wuoda. Miya wuoda. Wuoda
nyinge Ohulo, miya wuoda adoggo milambo. Wenwa, kik itim mirima kodwa, are par
thurwa, walem mayom e n’guono Maria.
JO. Amen.
J. Lwenje kod masiche, obar mayom e n’guono Nyasaye.
JO. Amen.
J. Twoche, kech kod oro, obar mayom, e ng’uono Simeo?
JO. Amen.
J. Misawa Maria ipon’g gi nema; jahawi; kuom wuodi Simeo;
nyathini, ijahawi.
JO. Maria Mtakatifu min Nyasaye, Ikwanwa wan joketho;
kawuono gi kar thowa. Amen.
J. Miwa hawi; miwa kwe kod ber e thurwa. Are konywa wa. Pinywa
duto okwe mayom e n’guono Nyasaye.
JO. Amen.
(Jatend
lemo chako omo wer niya)
J.
Oherowa, wan nyithinde; Maria Mama oherowa wan nyithinde
JO.
Oherowa, wan nyithinde; Maria Mama oherowa wan nyithinde
J.
Oherowa, wan nyithinde; Maria Mama oherowa wan nyithinde
JO.
Oherowa, wan nyithinde; Maria Mama oherowa wan nyithinde
J.
Oluongowa Kalafare, Maria Mama oluongowa Kalafare
JO.
Oherowa, wan nyithinde; Maria Mama oherowa wan nyithinde
J.
Ogolowa ei on’gono, Maria Mama ogolowa ei en’gono
JO.
Oherowa, wan nyithinde; Maria Mama oherowa wan nyithinde
J.
Ogolowa eod kon’go; Maria Mama ogolowa eod kon’go
JO.
Oherowa, wan nyithinde; Maria Mama oherowa wan nyithinde
J.
Okelonwa mesa lamo; Maria Mama okelonwa mesa lamo
JO.
Oherowa, wan nyithinde; Maria Mama oherowa wan nyithinde
J.
Opuonjowa timo misa; Maria Mama opuonjowa timo misa
JO.
Oherowa, wan nyithinde; Maria Mama oherowa wan nyithinde
J.
Okelonwa kanzu lamo; Maria Mama okelonwa kanzu lamo
JO.
Oherowa, wan nyithinde; Maria Mama oherowa wan nyithinde
J.
opuonjowa golo Juogi; Maria Mama opuonjowa golo juogi
JO.
Oherowa, wan nyithinde; Maria Mama oherowa wan nyithinde
PART 3:
BOGI DOK E KLISIA
(Jatend
Lemo chak omo wer machielo niya)
J.
Oyawore, Oyawore; Oyawore, Maria Oyawore
JO.
Oyawore, Oyawore; Oyawore, Maria Oyawore
J.
Oyawore, Oyawore; Oyawore, Maria Oyawore
JO.
Oyawore, Oyawore; Oyawore, Maria Oyawore
J.
Oyawore, Oyawore; Oyawore, Simeo Oyawore
JO.
Oyawore, Oyawore; Oyawore, Simeo Oyawore
J.
Oyawore, Oyawore; Oyawore, Simeo Oyawore
JO.
Oyawore, Oyawore; Oyawore, Simeo Oyawore
J.
Oyawore, Oyawore; Oyawore, polo Oyawore
JO.
Oyawore, Oyawore; Oyawore, polo Oyawore
J.
Oyawore, Oyawore; Oyawore, Jomalaika Oyawore
JO.
Oyawore, Oyawore; Oyawore, Jomalaika Oyawore
J. Oyawore,
Oyawore; Oyawore, Jotakatifu Oyawore
JO.
Oyawore, Oyawore; Oyawore, Jotakatifu Oyawore
J.
Oyawore, Oyawore; Oyawore, Silita Oyawore
JO.
Oyawore, Oyawore; Oyawore, Silita Oyawore
J.
Oyawore, Oyawore; Oyawore, Kiptoria Oyawore
JO.
Oyawore, Oyawore; Oyawore, Kiptoria Oyawore
J.
Oyawore, Oyawore; Oyawore, Kiblongoria Oyawore
JO.
Oyawore, Oyawore; Oyawore, Kiblongoria Oyawore
J.
Oyawore, Oyawore; Oyawore, Ararat Oyawore
JO.
Oyawore, Oyawore; Oyawore, Ararat Oyawore
(Jatend
lemo wilo wer kendo niya)
J.
Kiseyie nidonji; kiseyie nidonji
JO.
Kawuoro
J.
Aluwo yo madhi e polo; kiseyie nidonji
JO.
Kiseyie nidonji; kiseyie nidonji
J.
Kawuoro
JO.
Aluwo yo madhi e polo; kiseyie nidonji
J. Polo
noyawre; polo noyawre
JO.
Kawuoro
J.
Aluwo yo madhi e polo; kiseyie nidonji
JO.
Kiseyie nidonji; kiseyie nidonji
J.
Kawuoro
JO.
Aluwo yo madhi e polo; kiseyie nidonji
J.
Simeo norwakwa; Simeo Baba norwakwa
JO.
Kawuoro
J.
Aluwo yo madhi e polo; Simeo norwakwa
JO.
Kiseyie nidonji; kiseyie nidonji
J.
Kawuoro
JO.
Aluwo yo madhi e polo; kiseyie nidonji
J.
Maria Mama noromnwa; Maria Mama noromnwa
JO.
Kawuoro
J.
Aluwo yo madhi e polo; Maria noromnwa
JO.
Kiseyie nidonji; kiseyie nidonji
J.
Kawuoro
JO.
Aluwo yo madhi e polo; kiseyie nidonji
j.
Jomalaika notelnwa; Jomalaika notelnwa
JO.
Kawuoro
J.
Aluwo yo madhi e polo; Jomalaika notelnwa
JO.
Kiseyie nidonji; kiseyie nidonji
J.
Kawuoro
JO.
Aluwo yo madhi e polo; kiseyie nidonji
J.
Jotakatifu noromnwa; Jotakatifu noromnwa
JO.
Kawuoro
J.
Aluwo yo madhi e polo; Jotakatifu noromnwa
JO.
Kiseyie nidonji; kiseyie nidonji
J.
Kawuoro
JO.
Aluwo yo madhi e polo; kiseyie nidonji
(Jatend
lamo chako wilo wer machielo niya)
J.
Nenitie
JO.
Ndalo
J.
Simeo nenitie
JO.
Ndalo manyien
J. Yesu
Oduogo
JO.
Ndalo
J. Obiro
limo joge
JO.
Ndalo manyien
J. Wach
polo ema ohulo
JO.
Ndalo
J.
Nyasaye oparo joge
JO.
Ndalo manyien
J. Nawi
ema ogolo
JO.
Ndalo
J.
Nyasaye oparo joge
JO.
Ndalo manyien
J.
Walemo gi mor
JO.
Ndalo
J.
Nyasaye oparowa
JO.
Ndalo manyien
J.
Omiyo lemuru
JO.
Ndalo jo-Legio lemuru; ndalo manyien
J. Yawa
lemuru
JO.
Ndalo jo-Legio lemuru; ndalo manyien
J.
Apoya wach omonjowa
JO.
Ndalo
J.
Barasa omonjo lweny
JO.
Ndalo manyien
J.
Barasa Kodenge
JO.
Ndalo
J.
Barasa Ruoth e Suna
JO.
Ndalo manyien
J.
Apenjo wuod Odenge
JO.
Ndalo
J.
Simeo oketho an’go?
JO.
Ndalo manyien
J. Kare
lemo kende
JO.
Ndalo
J. Lemo
oketho an’go
JO.
Ndalo manyien
J.
Nyaka Msumba
JO.
Ndalo
J. Ni
Legio okawo mondwa
JO.
Ndalo manyien
J.
Nyaka jachode
JO.
Ndalo
J. Ni
Legio oketho piny
JO.
Ndalo manyien
J.
Nyaka mgumba
JO.
Ndalo
J. Ni
Legio okawo nyathine
JO.
Ndalo manyien
J.
Simeo ochomo Jela
JO.
Ndalo
J.
Ruodhwa obolore
JO.
Ndalo manyien
J.
Maria to hulonwa
JO.
Ndalo
J.
Nyithinda udhi loyo lweny
JO.
Ndalo manyien
J.
Kogik kar bura
JO. Ndalo
J.
Wapon’go Jela du
JO.
Ndalo manyien
J.
Asego Kanyada
JO,
Ndalo
J.
Wapon’go Jela du
JO.
Ndalo manyien
J.
Kodiaga Kisumu
Jo.
Ndalo
J.
Wapon’go Jela du
JO.
Ndalo manyien
J.
Kogik kar bura
JO.
Ndalo
J.
Polise okwedore
JO.
Ndalo manyien
J.
Simeo ochun’g e bao
JO.
Ndalo
J.
Polise okwedore
JO.
Ndalo manyien
J.
Simeo opamo mesa
JO.
Ndalo
J. Ma
Jaji otetni Adiera
JO.
Ndalo manyien
J. Bura
orumo
Jo.
Ndalo
J.
Simeo oloyo lweny
JO.
Ndalo manyien
J.
Omiyo lemuru
JO.
Ndalo jo-Legio lemuru; ndalo manyien
J. Yawa
lemuru
JO.
Ndalo jo-Legio lemuru; ndalo manyien
(Jatend
lemo dhi mbele kod lemo niya)
J. Piny mangima, okwe mayom e n’guono Simeo.
JO. Amen.
J. Lwenje kod masiche, obar mayom e n’guono Nyasaye.
JO. Amen.
J. Wuon law abola, Simeo taya; Jadolo ma Kalafare yo, kingi
ma Jerusalem Amoyo; Sibuor mar Dhood Luo, Lwanda joka Esau; Kingi mar kinge,
Nyasach joratengewa; Miwa hawi, walem mayom e n’guono Nyasaye.
JO. Amen
J. Osiep fadha Chefa ma Kopere kikonywa an’go; Ngero mar
Dedan Kimathi mane okelo loch lemo e thurwa; Ambuor maraten’g Baba; mayienga
mayienga manoyiengo Jela; Jaote ma Segegi, Janabi moa kuom jok motho; wuoyi
mane owacho maler ka rombe obedo niya: Nyithinda asebiro kendo; aseduogo
ratiro; abiro kowadu; abiro kakitu; to dak ufwenyie wachni, dak ufwenyie
wachni; wan’gu ogawo mbuyi; wan’gu ogawo
mbuyi madongo ahinya. Japuonj golie mbuyi momako wa. Tiekie kuoth gi miriambo,
golie siasa koda pogruok momakowa; riwie ogandawa mondo ikonyie thurwa. Miwa hawi,
gi yawa, walem mayom e n’guono Nyasaye.
JO. Amen
J. Japuonjwa ma e lemo mane iweyonwa kidhiyo. Chien’g chande
kane wagoyo ni oriti, Kalafare ma ligala; to Baba mosowa noyawre; nyithinda
Oyawore; joratenge Oyawore. Nyithinda kik uywaga ngan’g ngan’g. To n’gato ka
n’gato olamie mathoth. Ng’ato ka n’gato okaw katena gi rosary mondo oywag
marichone. Baba wabiro iri ywago marichowa mondo iwennwa. Golie samwoyo
momakowa; golie sinyor momako chunjewa. Riembie mudho momako miewa. Are kony
thurwa. Miwa hawi, gi yawa. Chunywa duto okwe mayom e nguono Nyasaye.
JO. Amen.
J. Yaye Baba winj lemowa
JO. Ywakwa mondo otundni
(Jatend
lemo wer kendo niya)
J.
Simeo obiro
JO.
Maler
J.
Nyasachwa, Simeo obiro
JO.
Maler, maler
J.
Japuonj obiro
Jo.
Maler
J. Wuon
ngima, Simeo obiro
JO.
Maler, maler
J.
Simeo obiro
JO.
Maler
J. Sama
obiro, jo-Legio rwako kanzu
JO.
Maler, maler
J.
Simeo obiro
JO.
Maler
J. Sama
obiro, Jo-Legio werne
JO.
Maler, maler
J.
Malaike budhe
JO.
Maler
J.
Japuonjwa, malaike budhe
JO.
Maler, maler
J.
Wendi mora
JO.
Maler
J.
Melkio, wendi mora
JO.
Maler, maler
J.
Muchi emayweyo
JO.
Maler
J.
Simeo, muchi emayweyo
JO.
Maler, maler
J.
Jomoko awinjo penjo
JO.
Maler
J. Ni
Jo-Legio kare pod ulamo dhano
JO.
Maler, maler
J. Wan
wadwokogi, ni Simeo, mano Yesu sie
JO.
Maler, maler
J.
Jomoko awinjo penjo
JO.
Maler
J. Ni
samokalo tonan’go oyiengo piny
JO.
Maler, maler
J. wan
waduokogi
JO.
Maler
J. Sama
okalono, mano ogwedho pinye
JO.
Maler, maler
(Jatend
lemo dhi mbele gi lemo niya)
J. Piny mangima, okwe mayom e n’guono Simeo.
JO. Amen.
J. Lwenje kod masiche, obar mayom e n’guono Nyasaye.
JO. Amen.
J. Jadolo kiyie, wuon osimbo, parie thurwa gi ogandawa. Kik
iwewa kendwa e kind wasigu. Barnwa mudho madi makwa. Konywa, walem mayom e
n’guono Maria.
JO. Amen.
J. Mesia kane in e dierwa ne inyisowa niya. In e Nyasach
malaika, jal malaike kulore ne piny. Omiyo kiyie kingi, or malaike mag polo
mondo okonywa. Lonwa lweny. Walem mayom e ng’uono Nyasaye.
JO. Amen
J. Donge ma e lemo mane ikelonwa. Donge in emane inyisowa
niya. Nyithinda ka uneno ka piny omoko. Wuoguru oko, gi orengo, wuoguru oko kod
kanzu lemo; wuoguru gi katena koda rosary mondo uluornae piny matin. Wuon hono
kitimie hono koro, waseluoro piny kaka ne ichikowa. In e wuon hono mane chien’g
chande ochungo Dalmas Oyier ka puth. In e wuon hono mayande ne ochungo Angelina
nyar Jomoko, kosetho e gwen’g Seme. In mayande ne ichiero Jaroho moro kotho e
kanisa Gombania piny Tanzania. Wuon hono kitimnwa hono an’go? Parie thurwa,
konywa. Miwa hawi, walem mayom e ng’uono Nyasaye.
JO. Amen
J. Twoche, kech kod oro, obar mayom, e ng’uono Simeo?
JO. Amen.
J. Misawa Maria ipon’g gi nema; jahawi; kuom wuodi Simeo;
nyathini, ijahawi.
JO. Maria Mtakatifu min Nyasaye, Ikwanwa wan joketho;
kawuono gi kar thowa. Amen.
J. Miwa hawi; miwa kwe kod ber e thurwa. Are konywa wa.
Pinywa duto okwe mayom e n’guono Nyasaye.
JO. Amen.
(Jatend
lemo omo wer niya)
J. Dala
aneno, kanenona; Dala aneno kanenona; Dala aneno kanenona
JO.
Dala aneno, kanenona; Dala aneno kanenona; Dala aneno kanenona
J. Dala
aneno, kanenona; Dala aneno kanenona; Dala aneno kanenona
JO.
Dala aneno, kanenona; Dala aneno kanenona; Dala aneno kanenona
J. Dala
kamama oger e got; Dala kamama oger e got; Dala kamama oger e got
JO.
Dala aneno, kanenona; Dala aneno kanenona; Dala aneno kanenona
J.
Olan’g awinjo kaywak e got; olan’g awinjo kaywak e got; kare Baba ema luongowa
JO.
Dala aneno, kanenona; Dala aneno kanenona; Dala aneno kanenona
J.
Kawuru lamo wasungu ool; kawuru lamo wasungu ool; kawuru lamo wasungu ool
JO.
Dala aneno, kanenona; Dala aneno kanenona; Dala aneno kanenona
J.
Simeo Baba Oyawore; Simeo Baba Oyawore; Simeo Baba Oyawore
JO.
Dala aneno, kanenona; Dala aneno kanenona; Dala aneno kanenona
J.
Maria Mama Oyawore; Maria Mama Oyawore; Maria Mama Oyawore
JO.
Dala aneno, kanenona; Dala aneno kanenona; Dala aneno kanenona
J.
Jomalaika urwakwa; Jomalaika urwakwa; Jomalaika urwakwa
JO.
Dala aneno, kanenona; Dala aneno kanenona; Dala aneno kanenona
J.
Jotakatifu urwakwa; Jotakatifu urwakwa; Jotakatifu urwakwa
JO.
Dala aneno, kanenona; Dala aneno kanenona; Dala aneno kanenona
J.
Simeo Baba igwedhwa; Simeo Baba igwedhwa; Simeo Baba igwedhwa
JO.
Dala aneno, kanenona; Dala aneno kanenona; Dala aneno kanenona
PART 4:
BOGI DONJO E KLISIA
(Jatend
lemo omo Ave Maria kendo)
J. Ave,
Ave, Ave Maria; Ave, Ave, Ave Maria?
JO.
Ave, Ave, Ave Maria; Ave, Ave, Ave Maria?
J.
Nyasaye, noheroi, nochweyoi maler; nohoro malaike, niwinje maber?
JO.
Ave, Ave, Ave Maria; Ave, Ave, Ave Maria?
J.
Judea, nidhiye, mar limo wayu; Johanes, nowinjo, nomor gi mosni?
JO.
Ave, Ave, Ave Maria; Ave, Ave, Ave Maria?
J.
Maria oidho gode, madongo, kodhi limo Elizabeth; way mare to more, Kinefe
Oyawore?
JO.
Ave, Ave, Ave Maria; Ave, Ave, Ave Maria?
J.
Augustus, noluongi, niwuok Nazareth; Piny Bethlehem ninyuoloe, nyathini
ruodhwa?
JO.
Ave, Ave, Ave Maria; Ave, Ave, Ave Maria?
J.
Jerusalem nidhiye ban’g somo Paska; ninwan’ge kobet piny, kowinjo weche
jopuonj.
JO.
Ave, Ave, Ave Maria; Ave, Ave, Ave Maria?
J.
Maria, wahere, waluonge niya; min ruodhwa, min Simeo, ma winjo kwayowa?
JO. Ave, Ave, Ave Maria; Ave, Ave, Ave
Maria?
J. Chik iti, Maria winj ywak nyithindi; gik
moko ma wadrwaro wanwan’go ga kuomi
JO. Ave, Ave, Ave Maria; Ave, Ave, Ave Maria?
J.
Maria in minwa, iminwa maler; ma nyinge wapwoyo, wapako sidan’g?
JO.
Ave, Ave, Ave Maria; Ave, Ave, Ave Maria?
J.
Wakwayo ne minwa klisia Legio; wakwayo ne papa, jakar ruodhwa e piny.
JO.
Ave, Ave, Ave Maria; Ave, Ave, Ave Maria?
J.
Oriti, oriti, oriti Maria; ok oriti mondo iwewa, to oriti konywa
JO.
Ave, Ave, Ave Maria; Ave, Ave, Ave Maria?
(Ji
goyo chonggi piny mondo otiek lemo. Jachun’g mar Mandamano tieko lemo)
J. Ruodhwa Simeo, kaw lemowa
JO. Ywakwa mondo otundni
J. Misawa Maria ipon’g gi nema; jahawi; kuom wuodi Simeo;
nyathini, ijahawi.
JO. Maria Mtakatifu min Nyasaye, Ikwanwa wan joketho;
kawuono gi kar thowa. Amen.
J. Misawa Maria ipon’g gi nema; jahawi; kuom wuodi Simeo;
nyathini, ijahawi.
JO. Maria Mtakatifu min Nyasaye, Ikwanwa wan joketho; kawuono
gi kar thowa. Amen.
J. Misawa Maria ipon’g gi nema; jahawi; kuom wuodi Simeo;
nyathini, ijahawi.
JO. Maria Mtakatifu min Nyasaye, Ikwanwa wan joketho;
kawuono gi kar thowa. Amen.
J. Duon’g obedie ne Wuonwa, ne Wuoyi, ne Chuny Mtakatifu.
JO. Kaka nobedo kar kuongo, kendo kawuono, kendo ndalo duto,
higni gi higni. Amen.
J. Wuonwa ma I polo, nyingi oluor, piny lochni obi, gima
idwaro mondo otimre e piny, kaka timore e polo.
JO. Imiwa tinende, chiembwa ma tinende. Iwenwa marichowa,
kaka waweyo ne jok motimo marach. Kik iterwa kar tem, to warwa kuom marach.
Amen.
J. Simeo ma Wuonwa koro watieko lemo kaka ne iorowa. Jarit
nyithindo ka iyie kawie lembwa. Igolie mamono momakowa; ijiwie chunje jok
maner; iromnie mon madhodho, gi man gi iye, telnegi maber; iromne jok matiyo,
telnegi e tijegi; iromne jok maringo gi nyamburko koda ndeke, mi gichop
wuodhegi maber; ibedie otela motelo ne miewa; bedie orita morito ngimawa. Ikony
piny duto. Piny okwe mayom e ng’uono Nyasaye.
JO. Amen.
J. Nyasach jorotenge gima wamiyi onge mondo ikonywa. Wan
wabiro iri gi wach kende, wakelo kwayowa iri ruodhwa. Igen’gie masiche mabiro
Apoya ne ogandawa. Jaduon’g, ritie klisia mari. Iriwe obed achiel kende kuom
jakwadhi achiel madieri. To moloyo, wan manende igolowa mondo waluor ni piny
kod lemo, imi lembwa okony piny kendo okonyie ngimawa. To maduon’g ahinya Baba,
iparie chunjewa. Nimar wan dhano kawuono wantiere to kiny waonge e piny. Ma
emomiyo wakwayo ni mondo ikaw lemowa kod kwero mar marichowa ma watimo kawuono.
Mondo igol marichowa, mondo wadog matar kapee e nyimi. Iywawa mondo wabi iri,
imakwa mondo wasik kuomi. Kendo wakwayi kaka ruodhwa, kendo Ruodh piny gi polo,
Imiye Jo-Legio Maria moseweyo pinyni, ngima mochwere mane ikelonwa, to wan
bende iritie chunjewa, mondo kawatieko wuodhwa e piny, wayud ngima mochwere.
Parwa waduto, par piny duto. Pinywa, okweyo mayom e ng’uono Simeo.
JO. Amen.
J. E Nying Baba Simeo
JO. Mondo wapwoyo gi jomalaika ne; gi Jotakatifu ne; ndalo
duto higni gi higni. Amen.
J. IParwa ka nyithindi Mama Maria.
JO. Mwahero ahinya. Nyakanene pok wawinjo ka ituono n’gat
moringo kuomi. Irite mokwayi. Ikonye modwari, mondo ikwane. Emomiyo ageno
kuomi. Aringo kuomi. Achun’g e nyimi ka akwero marichona. A min Baba Simeo, kik
itwona gik makwayo to winja, ka iyie kod lemona. Amen.
J. Maria mochwe kaonge marach mar kodhi.
JO. Ikwanwa wan mwaringo kuomi.
J. Timotheo Atila Mtakatifu
JO. Ikwanwa
J. Maria Mama Mtakatifu
JO. Ikwanwa
J. Simeo Melkio Mtakatifu
JO. Ikechwa
J. Didek Mtakatifu
JO. Ikechwa
J. Wakwayo hap Nyasaye wuon, kod hawi mar Nyasaye wuoyi, kod
hawi mar Chuny Mtakatifu; otelnwa, odon’gwa chien; kendo oritwa, ndalo duto,
higni gi higni.
JO. Amen
J. E Nying wuon
JO. E Nying wuon, Gi Wuoyi, Gi Chuny Mtakatifu. Amen