Saturday, November 15, 2014

LEGIO MARIA ROSARY: IN LUO

J….Jaom Lemo   O…..Jool Lemo
J. E Nying Wuon         
O. E Nying Wuon, gi Wuoyi, gi Chuny Mtakatifu. Amen
J. Lor Chuny Mtakatifu, Bi.
O. Donjie chunya. Ilera. Puonja rieko mar mako wach Nyasaye. Miya teko mar mako wach maber, nikech Simeo ruodhwa. Amen.



J. Ruodhwa Simeo om lemowa.
O. Ywakwa mondo otundni.
J. Wuonwa ma I polo, nyingi oluor, piny lochni obi, gima idwaro mondo otimre e piny, kaka timore e polo.
O. Imiwa tinende, chiembwa ma tinende. Iwenwa marichowa, kaka waweyo ne jok motimo marach. Kik iterwa kar tem, to warwa kuom marach. Amen.
J. Misawa Maria ipon’g gi nema. Ruoth obed kodi Ijahawi, kuom mon, nikech Simeo nyathini, ijahawi.
O. Maria Mtakatifu min Nyasaye. Ikwanwa wan joketho, kawuono gi kar thowa, Amen.
J. Duon’g obedie ne Wuonwa, ne Wuoyi, ne Chuny Mtakatifu.
O. Kaka nobedo kar kuongo, kendo kawuono, kendo ndalo duto, higni gi higni. Amen.
J. Ruodhwa Baba Simeo gol gowi mar marichowa.
O. Warwa kuom sand mach maoktho.
J. Ter chuny nyithindi duto e polo.
O. To moloyo jok madwaro ng’uononi.





J. Walem
O. A Nyasaye jachwech, kendo jawar jok moyie duto. Gol jotichni duto machwo kod mamon man e pugratori. Marichogi duto mondo iwenegi. Kuom ng’uononi ka gisetieko ndalo duto. Nikech lemogi maber. Nikech Baba Simeo ruodhwa. Amen.
J. Ayie Nyasaye Wuonwa, ker mokwongo mar Didek Mtakatifu. A yie Baba Simeo, wuode mamiderma ruodhwa. Manolor e bor polo kokelo loch polo e piny. Nobiro gi minwa Mama Maria Mtakatifu, mane ogoyo ligala got Kalvari. Nomake, nosande, noyale e thurwa. Nopuonjowa, kendo notho nodok e polo, kuma oyale jok mangima, koda jok motho.
O. Ayie Chuny Mtakatifu, Klisia Legion Maria Mtakatifu, riwruok mar jotakatifu, golo mar marichowa, tony chunjewa, kod ngima maokrum. Amen





(Ayie, mar Roman Catholic: Ayie Nyasaye Wuon, Ker Mokwongo mar Didek Mtakatifu. Ayie Yesus Kristus wuode mamiderma ruodhwa. Manomak ichne kuom chuny Mtakatifu, Bikra Maria nonywole. Nosande kuom Pontus Pilato, nogure msalaba, notho. Noyike. Chien’g mar adek ochier oa kuom jok motho, odum e polo. Nobedo e lwedo makor achwich mar Nyasaye wuon. Kuma noaye, kodwogo yalo jok mangima, kod jok motho. Ayie chuny Mtakatifu, Klisia Katholik Mtakatifu. Riwruok mar jotakatifu, golo mar maricho, chier mar ringruok, kod ngima maokrum. Amen.)








J. Duon’g obedie ne Wuonwa, ne Wuoyi, ne Chuny Mtakatifu.
O. Kaka nobedo kar kuongo, kendo kawuono, kendo ndalo duto, higni gi higni. Amen.
J. Ruodhwa Baba Simeo gol gowi mar marichowa.
O. Warwa kuom sand mach maoktho.
J. Ter chuny nyithindi duto e polo.
O. To moloyo jok madwaro ng’uononi.
J. Amoso Nyasaye, ker mokwongo mar Didek Mtakatifu. Misawa Maria ipon’g gi nema. Ruoth obed kodi Ijahawi, kuom mon, nikech Simeo nyathini, ijahawi.
O. Maria Mtakatifu min Nyasaye. Ikwanwa wan joketho, kawuono gi kar thowa, Amen.
J. Amoso Nyasaye, ker mar ariyo mar Didek Mtakatifu. Misawa Maria ipon’g gi nema. Ruoth obed kodi Ijahawi, kuom mon, nikech Simeo nyathini, ijahawi.
O. Maria Mtakatifu min Nyasaye. Ikwanwa wan joketho, kawuono gi kar thowa, Amen.

J. Amoso Nyasaye ker mar Adek mar Didek Mtakatifu. Misawa Maria ipon’g gi nema. Ruoth obed kodi Ijahawi, kuom mon, nikech Simeo nyathini, ijahawi.
O. Maria Mtakatifu min Nyasaye. Ikwanwa wan joketho, kawuono gi kar thowa, Amen.
J. Duon’g obedie ne Wuonwa, ne Wuoyi, ne Chuny Mtakatifu.
O. Kaka nobedo kar kuongo, kendo kawuono, kendo ndalo duto, higni gi higni. Amen.
J. Ruodhwa Baba Simeo gol gowi mar marichowa.
O. Warwa kuom sand mach maoktho.
J. Ter chuny nyithindi duto e polo.
O. To moloyo jok madwaro ng’uononi.


MIDHIERNI KOD MISAWA MARIA

(Ban'g tero midhiero, ikwano tigo apar mag Rosary ka itero Misawa Maria)

(Ichako niya: Midhierni duto mag Rosary gin abich, midhiero mokwongo mar mirima/mor/luor/ler)

(Kisekwano midhiero achiel, itero Wuonwa ma I Polo, kae itero Misawa Maria apar)

       MIDHIERNI MAG MIRIMA E KINDE WARRUOK

1.         Luch remo otuch ne Ruodhwa Yesu e puoth Gethsemane.
2.      Ruodhwa Yesu otwe e siro, ochwade gi del.
3.      Ruodhwa Yesu oketne osimbo mar Kudho e wiye.
4.      Ruodhwa Yesu otin’go msalaba e goke.
5.      Ruodhwa yesu ogur, otho e msalaba.
Maria mi jochiende sandruok mosiko manyaka chien’g. Wuonwa ma I polo.
Misawa Maria….
   




MIDHIERNI MAG MIRIMA E KINDE DUON’G MALER
1.                    Nomak Simeo Melkio Kalafare ligala
(Wakwa Nyasaye omiwa yie motegno)
2.                   Nochwad Simeo gi boka
(Wakwa neema mar jok gi marichowa)
3.                   Sand Legion Maria Efeso Nzoia
(Wakwa neema mar dhil gi sandrruok)
4.                   Simeo otwe e jela
(Wakwa neema mar loyo tembe gi lwenje mag pinyni)
5.                   Owan’g got Kalafare
(Wakwa mondo wasik ban’g Simeo kod loch polo mokelonwa)


MIDHIERNI MAG MOR E KINDE WARRUOK
1.      Maria omako ich kuom teko Roho Maler
(Wakwa neema mar tiyo ne Nyasaye kaka Maria)
2.    Maria odhi limo Elizabeth way mare
(Wakwa neema mar konyo jowadwa)
3.     Onyuol Yesu Bethlehem
(Wakwa neema mar hero jok modhier)
4.    Yesu oter e Hekalu
(Wakwa neema mar chopo chik Nyasaye)
5.     Maria onwan’go Yesu e Hekalu
(Wakwa neema mar winjo jodongwa)


MIDHIERNI MAG MOR E KINDE DUON'G MALER
1.         Lor Baba Simeo e bor polo
(Wamor kod duon’g molimowa)
2.      Maria othinyore Fatima, piny Jo-Reno
(Wamor kod siri mag polo moelonwa)
3.      Maria oromo kod wuode Simeo
(Wan bende wamor pile ka waromo gi jowetewa)
4.      Maria ogoyo ligala Kalvari
(Wamor kod luong momiyowa)
5.      Simeo onwan’go otiko mar Legion Maria
(Wamor kod ber gi kwe mokelonwa)


MIDHIERNI MAR LUOR E KINDE WARRUOK
1.      Chier Ruodhwa
(Bikra Maria jowwa e dini kod lemo)
2.    Dum Ruodhwa e polo
(Wakwa neema mar kwo)
3.     Lor chuny Mtakatifu kuom joote
(Mondo wamor gi neema duto mokelonwa)
4.    Rwak Bikra Maria e polo
(Wakwa rit mar Bikra Maria, minwa; or mondo wayog Bikra Maria ka wamor kode)
5.     Bikra Maria oketne osimbo mar duon’g e polo
(Maria kwanwa neema mar tho maber kendo mar nwan’go osimbo e polo)



MIDHIERNI MAG LUOR E KINDE DUON’G MALER
1.         Duogo mar ruodhwa Jesus e Piny
(Maria jiwa e din koda lemo)
2.      Ruodhwa Jesus ofwenyore kaka jaraten’g
(Maria medwa nema mar kwo)
3.      Lor chuny Mtakatifu kuom joote, ka-Baru
(Mondo wamor kod chuny Mtakatifu, gi nema mokelonwa)
4.      Rwak Mama Maria Mtakatifu e polo
(Mondo wayog Mama Maria ka wamor kode)
5.      Mama maria omedne osimbo mar loch e polo
(Maria medwa nema mar tho maber, kendo mar nwan’go osimbo mar loch e polo)








WI ROSARI


J. IParwa ka nyithindi Mama Maria.
O. Mwahero ahinya. Nyakanene pok wawinjo ka ituono n’gat moringo kuomi. Irite mokwayi. Ikonye modwari, mondo ikwane. Emomiyo ageno kuomi. Aringo kuomi. Achun’g e nyimi ka akwero marichona. A min Baba Simeo, kik itwona gik makwayo to winja, ka iyie kod lemona. Amen.
J. Maria mochwe kaonge marach mar kodhi.
O. Ikwanwa wan mwaringo kuomi.
J. E Nying Wuon         
O. E Nying Wuon, gi Wuoyi, gi Chuny Mtakatifu. Amen