Saturday, August 27, 2016

Puonj Simeo Melkio, Migori, 28/02/1989: An E Piatruok Mar Piny




Dala Joseph Ojwan’g

Weche Motelo

1.       Erokamano. Ooh, obed piny duto nyikwa Abraham.
2.      Nyithi Nyasaye, an’geyo ni wan kod seche machuok ma Nyasaye Wuon ema on’geyo sane. Nyasaye dwaro mana ngima gi kwe gi bedo gi mirembe.
3.      Ooh, Bikra Maria Mtakatifu, min Nyasaye, ne onyono thuol gi tiende e Chula Fatima, Esbon piny Joreno, Pochogis.
4.      Onyono thuol ma on’gogo olemo ma rembe ochwer ma oloke mach maoktho; noriwo thuol kod dwe.

Friday, August 26, 2016

Puonj Simeo Melkio, Mombasa 24/10/1972: Luth Oduokne Wuoyi Maduon’g



Tich Ariyo, Saa Auchiel Odiechien’g

Luor mar kinde Misa

1.       Ka Konsekrasio oselokore, onge ruhusa n’gato donj ei ot. Kata obed Papa, kata obed Jahulo kaka an, onge ruhusa mondo odonj ei ot ka Konsekrasio oselokore.
2.      Jokristus duto gibed kod luor ka giluoro Sakramit mar Nyasaye. Kik gi sud kod marach mar tho e chuny gi, to gi sud kod chuny maler.
3.      Papa kaka jakwath kendo kaka Japuonj Jokristus duto, ma puonjo wach dini achiel ma Jokristus duto oyie, ok onyal wuondowa ka en e Kom Mtakatifu. To ka en oko onyalo wuondowa nikech Papa en dhano.
4.      Konsekrasio en kinde ma makate kod divai lokore ringre Ruodhwa gi rembe; makate kod divai gidoko ringre gi rembe gi chunye gi Nyasache.
5.       (Ruodhwa) olor e dier Misa Mtakatifu tiir, e chuny altar, ka padre wacho ni MA E RINGRA KENDO MA E REMBA. Mano saa Konsekrasio, dho Latin luongo ni Consecratium.

Sunday, August 21, 2016

Simeo bi Imoswa, Gano kuom Simeo Melkio Part 3



Simeo ma wuonwa, wabiro iri, wagoyo chongwa piny;
Wan wakawo loo gi loo wariwo mondo wamiyi duon’g;
Wasudo buti mondo ipuonjwa, wayuoro mondo iguedhwa;
Wabiro iri mondo ijiwwa; waringo iri mondo ikonywa;
Japuonj wuog ipuonjwa; jajip wuog ijiwwa;
Jakony bi ikonywa; jarit wuog iritwa;
Rangie nyithindo duto mogoyo chonggi piny mondo iguedhgi;
Tin’g gi malo kuom lemo, medgi nema mar tiyoni kapod gi ngima;
Konywa, walem mayom e ng’uono Nyasaye. Amen.