Saturday, November 12, 2016

Legio Maria Worship: Worshipping Simeo Melkio, In English



1.       Our Lord, Simeo Melkio,
We come before you,
Our peerless Master,
Our immortal King,
Our merciful Lord,
We bow to honor you,
We kneel to glorify you;
Great God,

Friday, November 4, 2016

Dok Bikira Maria Mtakatifu e Polo




1.       “Kane Maria koro tuo ahinya dwaro weyo pinyni, mano en Asere Ndhoya, Efeso, Aora Jordan, Ka-Mumbo (Kadnar), wuon Okumu, ne owacho ni ndege mane obirogo pod ni Kalafare kanyakla gi mar Jahulo mane oluongo ni “Oulo”.

2.      To nowacho niya: “Awinjo ka ndege mane okelacha osechako mor e got kucha---sana oserumo. To Oulo ero ema aweyonu, urite maber.

Puonj Bikira Maria, Legion Maria: An e Winj Opija Majafuyo




1.       “An e winj Opija majafuyo, an ema nafuyo maluoro piny duto.

2.      An e Apiyo manopiyo kuom piny kendo piny nochako opiyo kuome.

3.      An Awiti ma piny nowito, kendo an e Ajwan’g ma piny nojwan’go, to atimo kinda gi piny.

Puonj Bikira Maria, Legion Maria: Got Nobarre Ariyo




1.       “Ndalo biro ma ka unune ka Got mane aidho kod wuodani obarore ariyo, ma bathe konchiel odon’g Milambo to konchiel odok Masawa, to un’ge ni ndalo ochopo. Piny ochomo kar giko.

2.      Magi ok notimre kapod un gi Wuoda e pinyni, to enoyud ka aseome.

3.      Anto ero alor ewi godni adhi Masawa. Masawa kuno ema aneno ka opedhna pien mayom. Kuno ema adhi ninde chuth.

Puonj Bikira Maria, Legion Maria: Winyo Oywak e Got, Salina oke Pate




1.       Winyo moro ne opiyo ewi yiend keyo ewi Got Kwer kendo ne ochiko dhoge ka ochomo kuma Eklesia nitie.

2.      Ne oywak niya: “Salina oke Pate, Salina oke Pate, Saline oke Pate.” 

3.      Ne onuoyo ywagni kuom seche, koro ji ne odhi penjo Maria gima winyo wachono ni, “Wend winyono mar Salina oke Pate to tiende an’go?”

Puonj Bikira Maria, Legion Maria: Oda Akele Ji Kenda, Ok gi Yalo e Pap




1.       “An Maria, ooyo, akwerou ni oda anakelie ji kenda. Oda opon’g sama ahero kendo odok chien e sama ahero.

2.      An ok naor joote e ker-keke mag yo kata e chirni kata e pewe mondo oyal ochok ji.

Puonj Bikira Maria, Legion Maria: Maria Oluongo Gwenge Duto




1.       “Ero aneno det bonyo mokwako kor polo kendo gi huyo ka gi ungore koni-gi-koni to giduogo gipodho e nyim Jahulo, kendo gichako giwuok ka gihuyo ka giluoro piny kendo gichako giduogo gipodho auma e nyim Jahulo.

2.      To yaye-yaye-yaye, mano kaka dede gi ohungore molal e nam duto!

Puonj Bikira Maria, Legion Maria: Maria Okoro Biro Roho Mtakatifu




1.       “Aneno koth mabiro chwe e wan’g piny. To kodhni nochwe koth maber ahinya ma yedhe duto man e wan’g piny nonyag olembe, nyaka mapok ne onyago olemo.

2.      Ee, piny nonyagi, kendo piny nobed mamor kendo mahil ahinya.

3.      To kata kamano, yaye nyithinda, kik po ka n’gato otero lwete ma opono godo olemo moro ma otero e dhoge mit ochamo.

Puonj Bikira Maria, Legion Maria: An emane alimo Simbi, gwen’g Karachuonyo




1.       “Un jok masani uwinjo mana sigana mar Simbi nyaima, to gima ne otimore ne ukia.

2.      Kamoro amora mane awuothe e wan’g pinyni, ne an kod ogend Malaika mag lweny.

3.      Adier piny ne n’gich ahinya, ne en ndalo chiri. Ne adhi mondo adhi abuor e dala Omolo Kadenge.

Puonj Bikira Maria, Legion Maria: Rwakuru Simeo to Unuyud Gikmoko Duto




1.       “Kane awuok thurwa, loka nam mar Misri, ka aa Kanan kuma ne aponie, ne aluoro pinyni maketo diere.

2.      Onge kama ok ne adhiye.  Awuotho e chulni madongo gi matindo.

Puonj Bikira Maria, Legion Maria: An e Nyar Mgondho ma Kombare!




1.       “An e nyan mane jaduon’g miluongo ni  Ombare omako ka golo e nam gi Mgondho cha. Par uru sigana no un jodongo.

2.      Ombare ne otera ma oruaka maber. Ban’ge ka ne asemiye mwandu to sunga ne omake ma odonjo e kon’go. Koro kon’go ne omiyo oyanya e nyim piny.

Puonj Bikira Maria, Legion Maria: An E Sulwe mar Nam, Pinje te Rita



1.       “An e Sulwe mar Nam. An ema pinje rita; Wazungu rita, Wahindi bende rita. 

2.      Pinje mag ruodhi rita to podi matin nyaka akuong agol nyikwa Esau e mudho eka weche ne chopi.

Puonj Bikira Maria, Legion Maria: Wuoguru Oko Uwinja




1.       Bikira Maria ne ofwenyore e piny Luo, Afrika, Kenya, kaka dhako. Nowuoyo kod oganda maduon’g mag jodongo kod mon gi nyithindo e wi Got Kwer, Kalafare.