Puonj Simeo Melkio, Od Samson Emonde, Mombasa, 31/10/1972

Tich Ariyo, Saa 5:40

Lemuru Ahinya

1.       Ayudo wach gotieno ka onyisa ni mondo anyisu ulem ahinya. Abraham ema owachona.

2.       Owacho ni Afrika mangima mondo ogo chonggi piny gi lem matek.

3.       Omiyo an aywak kendo asayou, lemuru.

Puonj Simeo Melkio, Nakuru, 28/3/1966: Tien’g Mar Adek Ema Biro Ng’eya

Saa 8 Odiechien’g

Tungni Piny

1.       Tungni ma piny mangima mar Wuod Dhano biro tungni (timore) nyaka Ulaya piny Wasungu. To onge n’gama nokony piny e tungnino; mana Jesus owuon ema nokony piny.

Puonj Simeo Melkio, Jerusalem Amoyo, 13/5/1979

Saa 11:35

Wach Mangima

1.       Ayudo wach mangima saa ariyo e wan’ge gokinyi. (Wach) mangima chuth-chuth.

2.       Inyisa ni jogo ma noluw ban’g Nyarombo gin jogo ma lepgi ok oruchore (ok ochido); to ok gin jok ma orondore.

Puonj Simeo Melkio, Nyalenda Kisumu, 14/10/1989

Saa Adek Okinyi (Ban’g Chiewu e Nindo)

Wende Jo-Malaika

1.       Kawuono aneno jo-Malaika mathoth e kor polo kane gi wero wende ma opogore-opogore.

2.       Mane awinjo maber, ne gi wero wend adundo Jesus. To e diergi ne nitiere Mesa maduon’g ahinya ma raon to opedhie kitamba ma rachar to kod picha mar adundo Jesus ka oketi e Mesa no.