Saa 8 Odiechien’g
Tungni Piny
1. Tungni ma
piny mangima mar Wuod Dhano biro tungni (timore) nyaka Ulaya piny Wasungu. To
onge n’gama nokony piny e tungnino; mana Jesus owuon ema nokony piny.
2. Jesus nokony
jok ma pok otho; jok ma osetho ok nokony.
3. E ndalo ma
masichego ochopo, ji noparre kendo ginipuodre; to onge gima nokony gi kata ma
nojiw chunygi mak mana lemo kende.
Lemo mar Yie
4. Lemo kende
ema jiwo chunyji motegno.
5. Lemo mar yie
nokuo ng’ama tuo; kendo kuom yiene, ruoth nochiere. Ka en gi maricho nogolne,
(kendo) ka Nyasaye oneno ka ngima ne berne, nowene.
An e Jesus, An Ema Aloso
6. Adier adier
awachonu: piny ruodh polo gi mach maok tho chiegni. Masiche nobed man’geny e
piny to wachna to ok norum e piny.
7. Ka uneno mil
polo, ka Wasungu ringo, to ng’euru ni lweny osechakore.
8. An e Jesus
ma ja-Nazareth; en ema aloso koduni. (Omiyo) ka uneno tungni mar piny
kochakore, un jo-Legion Maria kik uluor bende kik uwuor ni urumo.
Fwenyrruok Anti-Kristo
9. Ban’ge mos
(e kinde masichego) n’gato moro nopar ni en e bingwa moloyo piny duto. To
ban’ge, Nyasaye notieke gi joge marichogo duto.
10. Kendo ban’g
tieko gi, gini dhi e mach ma iye.
Jo-Legion Maria Nokony Piny
11. Un Jo-Legion
Maria, un ema unukony piny.
12. Ka jok
maricho odonjo kuomu, nyisgiuru ni mondo gi lem; fuwo kik maku uriembgi.
13. Nikech Jesus
dwaro gi mondo gin’ge wachne, kik uriemb n’gato ka obiro mondo ukonye.
14. Ng’ama kamano
(moriembo ja richo) enobed gi bura e nyim Nyasaye nikech ji duto gin nyithind
Nyasaye. Onge nyathi Jachien.
Koth Malich mar Kinde Masiche
15. Kodh remo
nochwe e piny man’geny, gi kodh tutu kod kodh pi wan’g. Mano Jesus wuod dhano
ema wuoyo koduni.
Jo-Legion Maria Biro Kweda
16. Adier adier
awachonu: kweda-akweda uru kendu, kendo uriemb nyithinda mane asechoko.
17. (Ndalo biro
ma) unutamgi e wechena (kendo) unuchak tiyo kod magu uwegi.
18. To chien’g
giko piny ananeye n’gama nokonyu golo Jochiende.
19. Unuchak piem
kendu, kendo unucha Jodolo ma aweyonu.
20. To jok ma
ochayo Pate ma aweyo gi, ginibed jo wasika malich. (Kata) gikgi nolosre maber
to giko gi nobed malit moloyo.
21. Kendo ng’at
ma ogalo ni ok cham Sakramit, en notho ka guok. (Bende) Pate ma nomi jogi
Unksio Machien, Nyasaye nokuon’g gi kaachiel gi jogo ma giwiro go.
22. Jo-Kristus ma
nowuo marach kuom Padri, enoyalgi e mach maoktho.
Uchaya to Kik Utho
23. Nyikwa
Abraham, apuonjou ka pod angima. To ban’ga unune malit moloyo.
24. Ne adonjo e
pinyu to ne ok urwaka: nene ok umiya lawu, un’giya mana ka thuol.
25. Un Jo-Piny
Masira, awuotho kodu ka uwuonda ni un osiepena to tienda ema ung’iyo mondo
unega. Gigena ema urito mondo atho upogru.
26. Ok rach.
Ng’ama Nokaw gira moro anamede ndalo e piny, to gikone anatieke e mach maoktho.
27. Unutim kamano
nikech uselocho e piny, to nopogre chien’g thoni ka ibiro e rangach kuma an
bende aloyo.
28. Jok ma oran
mane uriembo, mane ok ogoya, mane ok omulo gigena ema anagwedh ka pod gin e
pinyka kendo gini ti tije gi maber ahinya.
Jodolo Nocha Wechena
29. Bishobe,
Pate, Kadinache duto nocha wechena kendo nochak tiyo gi maggi gi wegi. To ma
notim kamano, anatieke gi joge marichogo te.
30. Jotelo mag
Legion Maria nochak pogo Legion, kendo ukabila nomedre e Legion Maria. To
jotelo ma notim magi, Nyasaye nonegi achiel-ka-achiel nyaka notiekgi.
Tien’g Mar Adek ema Non’ge Simeo
31. Adier adier
awachonu ni: tien’g ni ok non’geya; kata tien’g mar ariyo bende ok non’geya; to
tien’g mar adek ema non’ge wuod dhano.
32. Kendo gin ema
gini rit Legion Maria.
33. An e wuod
Nyasaye ma ngima, an ema aloso kodu. Gik ma awachogi, ng’at ma riek mondo
ondikgi chien’g nonyis jok mane ok onena.
34. Nyasaye
ogwedh kiye kod mond liete kod jok ma ofuwo ma winjo wechena kendo ma keto
(rwako) e chunygi. Amen.