PRESIDIUM ILAME N’GA: NYASAYE KOSO BIKIRA MARIA?

Jowadwa, ma ok nonro. En mana twak e gino ma mawatimo kaka Jo-Legion Maria.

1.       POINT ONE: WALEMO E NYING WUON, GI WUOYI, GI CHUNY MTAKATIFU

Kichako Praesidium, ichako ni:

“E Nying Wuon....”

Ngeche nil emo duto maluwo “E Nying Wuon...” itimogi E Nying Wuon, Kod Wuoyi kod Chuny Mtakatifu.

Kiwacho ni “E Nying Wuon...” mano nyiso nan’go? Nyiso ni duto midwaro timo, ok idhi tyimo e kokalo kuom nyiseche moko, kata jok moko, kata n’gat moro...to mana kokalo kuom, kendo kuom, kendo koa kuom...Didek Mtakatifu.

 

Kitieko Praesidium, itieko nade? Igoyo ni “E Nying Wuon....” Ngeche niya, duto te mitimo, itimo kokalo kuom, kendo kuom, kendo koa kuom...Didek Mtakatifu. Kae iwacho ni Ameeeen...obed kamano.

Koro kata en mana Bikra Maria emain eode, kata od Atila, kata od Josef, duto mitimo ochomo mana Nyasaye, Didek Mtakatifu.

 

2.       CHAKO KATENA KATA ROSARI

Kichako katena, iluongo Chuny Mtakatifu ni...A Chuny Mtakatifu bi....Mano Nyasaye.

Kae, kigoyo ni Walem....ok iwuo kuom Bikra Maria...Ilamo Nyasaye niya....”A Nyasaye, mosepon’go chuny joge gi neema ne....miwa Chuny Mtakatifu nogo, wayud rieko modhiyo kare...”  mano ilamo n’ga, Nyasaye....mano e lemo mokuongo e katena.

 

Kaen Rosari...Ichako ni Ayie Nyasaye Wuon....kae Iluwe kod Wuonwa ma e polo...kae imoso Nyasaye keche Adek  kogoyo Misawa Maria/kata iparo mich adek mag Roho maler, kae igoyo Misawa Maria.

 

Kanyo donge Mana Nyasaye ema olamie.

 

3.       DUON’G OBEDIE

Donge Duon’g obedie en lamo Nyasaye...koso kikulori e mbele Mama kigoyo Duon’g obedie en kulruok ne n’ga. To kadebed ni Bikra Maria emikulore ne...donge duon’g obedie ikulruok ne kuonde te...kata e Misa...kiwinjo ka iwacho ni “Gloria Patri ...Jalegion Maria kulo wiye” kata en mana e mbele kaburi Timotheo Atila.

4.       MISAWA MARIA

Misawa Maria ipon’g gi neema, ijahawi, kuom mon, gi Yesus, Nyathi mar iyi, ijahawi.

Maria Mtakatifu min Nyasaye, ikwanwa wan joketho kawuono gi kar thowa. Ameen.

Nus mar Misawa Maria mokuongo en nyiso Maria weche mane Malaika onyiso Maria...ok en lame...en pak, ni en kod hawi..to hawi no, ok en go nikech en owuon, to nikech Yesu. Yesu Nyathi mar iye, emomiyo en kod hawino.

Kitieko pako Maria, koro ilemo. Ikono Maria niya....otimni an’go? IKWANA. Mano e lemo. Okwayoni n’ga? Wuode Yesu. Okwayo ni n’ga? Nyasaye.

Misawa Maria duto, e Rosari kod Katena, ok gin lamo Bikra Maria...gin lamo Nyasaye kokalo kuom Bikra Maria..emomiyo itiekogi ni Ikwana, an jaketho. Okwayoni chien’g milemono, to okwayoni chien’g mithoe. Okwayoni n’ga...Nyasaye.

Penjri niya: Ka lemo ogik kuom Maria, bende ochopo...kapo ni Maria ok okwayoni Nyasaye...lembi no orem. Nikech gima iwacho ok otimore.

Bikra Maria en jagach Wuode, bende en kod tudruok mathoth kod Didek Mtakatifu, miyo gima okwayo, ok kosi. Lakini, lemo e Misawa Maria maduon’g kopogore kod pak ne Maria, en IKWANWA.

5.       MIDHIERNI

Midhierni duto, gin gigo mohusiana gi tij Nyasaye kokalo kuom Yesu. Wakwayo neema mopogore e midhierni.

Ka watieko midhiero:

Wawacho niya: Bikra Maria imiye jopuglikan sand, higa kod ndalo...ne n’gato, chal ni wachno Maria ematime kende. Ooyo, Maria time, kuom KWACH. Kwach maduon’g mar Bikira Maria.

Ewi Midhiero Kanyo ok iwe maok itero Wuonwa ma i Polo, niklech en ma gima odwaro timore. Nyaka kwach Bikira Maria timore kuom Dwaro mar Wuonwa ma i polo.

Iluwo midhierni kod Misawa Maria, adek or apar, or abiriyo, etc. Ka duto, lemo kalo kuom Maria, kochomo Nyasaye, kata samoro direct kowuok kuomi nyaka kuom Nyasaye.

KWA MFANO

Tembe olal mayom e Nying Nyasaye...Amen

Piny Mangima okwe mayom e Nying Yesu...Amen

Didek Mtakatifu...Ikechwa

Mago lemo mochomo Nyasaye direct

MFANO MAG LEMO MARAWO EKA CHOPO KUOM NYASAYE

Maria Mtakatifu...Ikwanwa

Josef Mtakatifu...Ikwanwa

Tembe orum mayom e teko Maria..Amen (Tekre Maria otudore kod tekre Wuode Yesu kod Roho Maler mane oume)

Piny okwe mayom e nying Maria...Amen

Timotheo Atila Mtakatifu...Ikwanwa

Lemo duto mag ikwanwa kalo kuom jal makwayono, to chopo kuom Nyasaye...nikech jago no nyaka kwa Nyasaye. En mana ni en jal moyudo duon’g kuom Nyasaye e polo, tudruok ne kod kwach mare, oloyo kwach Marwa, nikech jal man e ikulu mar Kingi, opogore gi in mapod in oko.

 

6.       WI KATENA

(a)      Wamosi gi lemo ni Misawa Ruoth Manyako....mano pako Bikra Maria, kuom gino maen ne in, kod pinyruodh Nyasaye...kitieko pake, ibiro lemo, ibiro lamo Nyasaye.

                            Ilemo niya   (i) Nyiswa Yesu, Nyathi jahawi, ka wuodhwa ma e pinyni orumo.

  (ii) Bikra Maria man’guon gi malon’go...KWANWA min Nyasaye Mtakatifu...mano lemo ma kalo kuom Maria nyaka ir Nyasaye...to ikwayo an’go...Mondo idog jal mowinjore nwan’go an’go? Gigo mane Jesus Kristus ochiko...ngeche ngima mochwere kokalo kuom Jesus...koda gigo mathoth man e singo Jesus.

(ii) Walem....Ma koro lemo moriere...Iwacho Niya.....A RUOTH NYASAYE....mano lemo direct.

(IV) Adundo Jesus....Ikechwa....mano lemo maok raw

(V) Adundo Bikra Maria...Ikwanwa...mano lemo marawo, eka chop kuma odhiye

7. WI ROSARI

Par Bikra Maria/Ipara ka nyathini Biklra Maria...ipuoyo/pako Maria...moher ahinya, nyaka nene....kae inyise ni IRITE, mokwayi mondo ikonye, modwari mondo ikwane....ibiro dhi adhiya kiloso kod Bikra Maria...to kitieko to iwacho niya;

Maria maonge marach....japognwa neema duto ikwanwa...lemo mar Par Bikra Maria koro ochomo Nyasaye.

Maria manochwe/nyuol kaonge marach mar kodhi...Ikwanwa wan mwaringo kuomi...IKWANWA NYASAYE.

7.       KATENA LEGION MARIA ANTIFO/ANTIPHON

Katena Legion Maria antifo...En n’gat mothinyore, ka dwe marieny., ka wan’g chien’g malich, ka oganda moseokore ne lweny...Wapouoyo Bikra Maria

Kae kaka Maria ne owacho...Wawacho niya...Chunya Puoyi Ruoth....Ruoth Mane? Nyasaye...kaka Maria nopuoye.

 

Walem:

A Ruoth Jesus Kristus, mane mor KOKETO BIKRA MARIA....ngeche Maria ok en, OKETE....MONDO OBED MINWA....bedo MINWA MAR BIKRA MARIA OKETI...to ok mano kende...wawacho niya...KENDO OKETE  Jachwakwa ma I Polo....Gik moko Duto ma wakwayo/gikwayo, gi KWACH BIKRA MARIA MTAKATIFU....

Kitieko lemoni to igoyo ni E NYING WUON, mana kaka kane ichako ANTIFO, ne ichako e NYING WUON....koro Antifo ok tim kaok E NYING WUON...ok E nying Maria.

 

8.       WARINGO WABIRO IRI

IKWANWA NYASAYE OBED....lemo mar waringo wabiro iri rawo kuom BIKRA Maria, to ochomo NYASAYE.

WALEM

A RUOTH (ngeche Nyasaye)....

9.       RUODHWA JESUS KRISTUS

Mano lemo mochomo Nyasaye direct, ok oraw.

10.     LITANIA

Maria Kwayonwa...lemb litania kalo kuom Bikra Maria...ma kwayonwa...Nyasaye.

Kitieko Litania ilemo niya:

A Ruoth Nyasaye....

11.     TIEKO PRESIDIUM

E Nying Wuon.

 

Koro Praesidium Ilame Nyasaye. Lamo Maria e Presidium en lamo Nyasaye.

 

 

 

 

KECHE MAG NYASAYE E PUONJ LEGION MARIA

 

“An Wuora manie polo ema ne oora, wan gi Mama na Bikra Maria. Nyasaye ne oketowa ewi lihudu. Yawa gino ne poth mi wakier—aridora nyaka piny mar kano ei Awasi—Watombori, Angoro. Naluar edier yien. To ne piny otimo luoch. To Mama to nokier nyaka ei nam, Viktoria, kama iluongo ni nam Gumba.”  Puonj Baba Messiah e birone 18/12/1966

Ka nitiere ji an’gwen:

(a)    Nyasaye Wuora....Wuoro, nitie. Ok en Baba Messiah, Kata Roho.

(b)    Nitiere Wuoyi...en mowuoyo e ndikoni, owacho ni an Wuora

(c)    Chuny Mtakatifu...Lihudu

(d)    Bikra Maria/Mama na Bikra Maria

Bikra Maria bende nitiere e puonj ni. Kaka n’ga?

Wadhi mbele kod somo.

“Jowadwa, wasungu ne osanda malit mana kar Jesus, mi gitweya mi ginega. To jaote to ne gikia. Ema ne adhi ir Melkio, mi onena mi otoye mana ywak. To Lodvikus gi Baesathar to nonyiero. Kuno emane warome gi Vitalis Okelo, e yor Harmus, mi enbe Wuora oore.”

“To kata Maria min Yesu bende mirima ne omako kochun’g dier nam koneno ka nyithinde chamore kendgi to ok nondik kamano.

Ema ne gipenja ni ‘watim nan’go? Waketh piny koso?’ An ne ayiene nimar ne aluoro tho diriyo, kendo gigur. To Mama Maria ema ne owacho ni ‘wamigi yath to ka gidagi yadh yie  eka piny nokethre gi mach. Eka aye Wuora nene onyisa ni nyathina Simeo, dhi Suna inine Got moro miluongo ni Got Kwer, enie God Hawi mane ondiki, gi dho jonabi ni enie God Jehova. Nobedie yembe piny an’gwen; nolemie ka ji orwakore gi lewni marachere kod rosache maboyoboyo.”

 

(a)    Mama Maria en e Maria min Yesu.

(b)    Wuoro, Wuoyi, Chuny Mtakatifu, Bikra Maria, gi ji mopogore, ma bedo e bura mapim wach...”ema ne gipenja ni watim an’go?”

(c)    Maria ne owacho.....Eka Wuora ne onyisa....e bura ani Nyiso ni Maria opogore kod Wuoro.

MARIA KACHIKO KONYO JOLEGION: KAKA MARICUS ARITO NOPIMO

“Kane omak Maricus Arito moter eod twech Shimolatewa e higa mar 1982, piny nochamo bradha Arito, kendo noparore e chunye ahinya. Ne oparo puonj mar Maria ewi Got Kwer mawacho niya:

“An e nyar Wuon go, Wuora ema nochueyo polo gi piny, gi gik moko duto, ma ineno gi maok ne. Gima akwayo Wuora, Wuora ok tuona, bende pok nowuonda.

 Pok ne aketho e nyim Nyasaye Wuora nyaka aa kar chikruok. Kane Nyasaye chweyo piny, to ne an kode, ne atugo gi maua mane nie aluorane.

N’gat madwaro gimoro, kata mochando, kata nie chandruok, to okaw Rosari, ogo chonge piny maber okwaya go, to gima okwayono, nakwa Wuora, to nomiya, namiye.

Go chongi piny e tiend altar kata e nyim Mesana gi Rosari, to anawinji mapiyo, to nadwok lemoni mak odeko.”

(a)    Nitiere Nyasaye Wuoro...ok en Bikra Maria.

(b)    Bikra Maria kwayo Wuoro..Gima okwaye ok tuone, nikech pok ne okoso e nyim Wuoro

(c)    Bikra Maria nenitie kane Nyasaye chweyo piny, neok ochwecho, kata ochwech kode, kaka Wuoyi nochwech go, kata ka Roho, to ne  tiere, ka Nyathi, kendo en notiyo tije ka Nyathi (notugo)

(d)    Gik ma wakwayo Bikra Maria, okwayonwa kuom Nyasaye. En kod teko mathoth ahinya nikech tudruok mare kod uhusiano mare gi Wuongi.

ABALA DOK DALA: DUOND BABA MESSIAH 18/2/1989

 

“Kawe mago, Raphael Abala sani dok dalane Manyatta, odhi bedo eode mos.

Ma n’gat maok dwar, kata n’gat ma rabora ka Simeo kama, chak chon iaye.

Achola in dog kabar kumane intie.

Cardinal dean biro tero Abala kawuono Tarik 18/2/1989. An bende abiro neno kaka itere.

Anie wuon tich, Abala dhi Manyatta dalane, odhi yueyo mos. Mano kende.

In Nomine Patris et Fili et Spiritus Sanctus.

PUONJ BABA MESSIAH 16/7/1989 NYAPIEDHO: JAPUONJ MAR LEGION MARIA

 

“Japuonj mar kanisa nyaka obed japuonj mon’geyo chik din, mon’geyo katkaism gi sakramit, kod chikruok duto bende on’geyo. Eka obiro puonjo joge momiye.

Kopuonjo Jokristo Matrimonio, to opuonjo gima osetimo. Kik opuonj gima pok otimo, mano en sakrilego.

To nyaka obed japuonj majaluor, moluoro Jadolo mar Nyasaye, nimar mano e jatende moyiere mondo opuonj Jokresto.

Achaya mar Japuonj ok ber. An abedo japuonj e Katholik, to nene onyisa ni kigoyo chongi piny, to igoyo maber, korachwich kuongo, eka koracham luwe. Ok kaka magu mupuonjo mobam kaegi, moko bende goyo nynguon marach.

Jopuonj mag Legion Maria nyaka puonjgi kod padri, mondo eka obed japuonj. Ok opuonj Jokrestus kaok opuodhe kod Padri mane ni olony. To kotamore, to padri en e Japuonj maduong e kanisa.

Jokrestus nyaka n’ge katkaism, kod Sakramit. Jomoko yudo batism to okia kata ringer Ruodhwa mochamo, bende okiya ni tiende an’go. Japuonj mar Jokrestus kia gigi duto.

Kata ka iwe ni iler, to polo midhiye to onge, nyaka chien’g iyal gi Jokrestus magi e dhorangach. Nimar iweyogi gitimo sakrilego, to in siasa ema iketo ei kanisa. In’geyo jok maricho gi jok mabeyo, mach oluw pieri gi timbeni marichogo.

Japuonj kik obed japuonj ma Japadri yuakne, obed osiep padri moloyo.”

TIMOTHEO ATILA, PAPA MOKWONGO, OTER E POLO, OROMO GI JODONGO 24

Jaote maduon’g Timotheo Atila nopuonjo wach moro matiende tek. Jakwath nowacho ni ne ochopo e polo  malo kendo notere nyaka eod bura, kuma jodongo piero ariyo kod an’gwen (24) yaloe weche mag pinyni.

Nowacho ni:

“Ka nodonj koda eod Hekalu mar n’gado bura, to ne ayudo:

Janabi Enoka, Janabi Nowa,  Janabi Abel, Janabi Abraham, Janabi Isaka, Janabi Jakobo, Janabi Musa, Janabi Elijah, Janabi Joshua, Janabi Habakkuk, Janabi Samwel, Janabi Daudi, Janabi Jeremiah, Janabi Ayub, Janabi Isaya, Janabi Elisha, Janabi Ezekiel, Janabi Josef wuod Jakobo, Jaote Petro, Janabi Zakaria, Janabi Hosea, Mama Bikra Maria, Janabi Piliskis, Kod Lodvikus.

 

Jodongo gi duto nenie bwo Jadolo maduon’g Ruodhwa Jesus Kristus.  Mama Bikra Maria ne obedo jachun’g motegno ahinya ne oganda Africa duto.”

Papa Atila Timotheo kendo ne owacho niya, “Ne oora gi janabi Habakkuk, ni mondo abi anyis Jo-Legion Maria, ni n’gat madwaro dhi e piny mane Yesu osingo ne joma nolochi kodfe to mondo kik okaw chi n’gato. To kata kapo ni in kod chi n’gato to mondo iwe, inikwo.

N’gato kik cham pesa sadaka er yor kuo kata pesa gedo e yor kuo, mano kopo isetimo kamano to mondo ichak chon dwoko pesa go mos nyaka rum, to pile ka pile mondo oyudi e tiend msalaba kitero lemo meok ilew.

Jokristo matindo manie Legion Maria, brothers kod sisters madwaro donjo e polo to orit lewe, kik owuo kuom jodolo marach kata kwedo moro.”

JANENO SALINE OTER E POLO, ONENO NYASAYE: OYUDO NI BABA MESSIAH E NYASAYE

“Ne waromo kod Bikra Maria e Dhoot kendo no oromonwa gi mor. Ne waluwo yorno, kod Bikra Maria, nyaka eod Nyasaye, ma nwadhi wabet piny eot moro mapok aneno”

 

“Kane wasebet piny, n’gat moro nobiro mopenja ni ‘Ibiro omo an’go ka?’ Nopenja nyadidek duto to nanyise ni Ruoth akiya gima abiro omo. N’gano ne wuoyo koda to ok anene…Ban’ge eka ne onyisa niya

‘Gik moko duto mabiro nyisi kata gik moko duto mibiro neno idhi inyis nyithinda mae piny.

Note: Saline nonyis historia duto yare chwech piny, puodho mar Eden, thuol kawuondo dhano, teko mar Bikra Maria, presidium, Nyasaye kakuon’go dhano, nyuol Yesu, etc. Many ndiko ibed go piny mos isom.

MOGIK NONENO NYASAYE, KAMAE:

“Kane waya kanyo ne wadhie od Nyasaye mane wadhi wabet piny to n’gat moro nobiro monyisowa niya:

‘Aneno ka igombo mondo inena?’ To ne aduoke ni Ruoth agombo mondo aneni. Kane asenyise kamano, ne oyiena, to ban’g seche matin Kom nobiro Kom mopedhi gi lewni marachere motimo sulwe. Kane komno osebiro nolor nyaka piny kendo napo ka aneno jago moro ma msungu kobetie, kane aneno msunguno ne aparo ni en e Nyasaye, kata kamano neok owuoyo koda kata matin, ne olin’g alin’ga, on’giya to an bende an’giye. To kane adok n’giye mar ariyo to ne ayudo ka oonge, ne aloko wan’ga ka an’giyo kuma jok madhiye ngima nitie eka ne aneno ka n’gato owuok e kindgi biro, ne en ng’at maduon’g ahinya kendo en n’gat maraten’g, norwako kanzu marabuor ma n’gute oluor kod les marachar, kendo norwako ogudu maok oromo wiye kata maber, to yier wiye bathe koni gi koni nodon’g kogar. To n’gano nobiro abira mobet e komcha; kendo kane osebedo e komno, naneno ka on’giya, kendo ne aparo ni en n’gat manene akalo e dho rangach mokuongo cha. To kane atemo sudo chien n’gano ne otin’gona lwete ni “ooyo” eka ne ochungo malo, kendo ne onyisa ni:

“Anie Nyasaye mane idwa neno. An e Nyasaye man e piny ka, kendo ma e polo, nyis nyithinda duto man e piny kucha. Inyisgi ni an e Nyasaye man e pinyka, kendo manie polo.”

 

Nonwoyona wachni nyaka dibiriyo, omiyo an bende awachonu nyaka dibiriyo.”

MARIA OK EN NYASAYE: BIKRA MARIA NE OPUONJO KOD DHOGE NIOK EN NYASAYE

 

Bikra Maria ok en Nyasaye. Nepok obedo Nyasaye. Ok nobed Nyasaye.

Mano ok tam dhano loso Maria moro mar pache kae ochako lamo. To Maria ma Min Jesus Kristus, kata mane okelo Legion Maria, ok mano. En nowacho wechegi maler, maber, ne jok mohero Nyasaye gi riekogi duto.

Gi dhoge, gi chuothe, ne owuoyo kuom Nyasaye. Magi e weche mane owacho, kendo mondiki e buge Legion Maria mag Fanjili.

 

1.            Maria owacho ni nitiere Wuoro Machiwo Osimbo

“An ema thuol ne okedo koda ka adwaro nyuolo Wuoyi. Wuoyi ni nomi jorotenge mag Afrika. En e ler Nyasaye gi duon’g ne. An ema anyono dwe e tienda kendo aruako wan’g chien’g. Osimbo ma Wuora ne omiya kendo osidhona, Sulwe apar gi Ariyo ema oluoro.”

 

Note: (i) Wuoyi e ler NYASAYE---kare nitiere Nyasaye

             (ii) Osimbo ma Wuora omiya—kare nitiere wuon mare momiye nyaka osimbo.

In miwacho ni Maria e Nyasaye Wuon, iselal. Ikiya wuon Osimbo moomiyo Maria Osimbo.

 

2.            Maria owacho ni teko te, nyaka malaike, gin mag Wuoro

 

“Neuru asenyuolo Wuoyi kendo Nyasacha oume gi duon’g ma thuol ok nomuonye! Enolo ruodhi mag piny duto gi odunga ma otin’go e lwete.

 

 Thuol malich no ne okedo koda ka muoch kaya, to Malaika mag Wuoro ne okedo matek mokonya.

 

Note: (i) Nyasacha oume...Kare nitiere Nyasach Maria...in mikiya Nyasach Maria iwile gi Maria, ilal.

(ii) Malaika mag Wuoro...Kare nitiere Wuon Malaike, ok en Maria, kata Maria ikonyo kod Malaike ka Wuon Malaike oyie.

 

3.            Maria bende kwayo mana Nyasach Kwerene

“Ma emomiyo ne adhi e nyim kom maduon’g ma e polo malo ir Wuora, ma en Nyasach kwerena ma kwereu.  Ne akwayo Nyasaye ma Nyasach Ibrahim, Isaka gi Jakobo mondo opar jaraten’g—jorotenge olal duto!”

“Ne akwayo mondo Wuoyi oduog opuonj piny Afrika, to kik chak chiwe e lwet jok maricho. Emmanuel ne okwer ni, ‘Ooyo mama, an ok anyal dok e pinyno!’ To ne ayuak ni jorotenge rumo e mach nan’go? Kare neok itho e musalaba nikech ji duto?   Wuoyi ne okona ni,’Mama, tel abiro ban’gi.”

 

Note: (i) Ir Wuora...Nitiere Nyasaye ma Wuon Maria bende, kikiya ilamo gik mikiya.

   (ii) Nyasach Kwerena....Wuoro no en Nyasach Kwere Maria. Kare Maria nikod anyuolane, nyaka kwerene. En dhano.

(iii) Nyasach Ibrahim, Isaka, koda Jakobo...Mano e Nyasaye...en e Nyasach Maria. Nyasaye no ok en Maria, en Nyasach Maria bende.

 

4.            Maria en Nyar Nyasaye, to Baba e Nyasaye mobiro Mineno, En Maria Saye

“Ji man’geny ne ogoya ka chwada ei Afrika, to Jaluo ne orwaka. Ma e hawi ma uyudo nikech ne urwako Nyar Nyasaye, kendo min Jawar mar dho od Israel.

 

Yie urwak Emmanuel to Unuyud gimoro amora. Jali ema otin’go duto ma aa kuom Jehova Nyasaye.  To wan’ge jalokore ka oneno richo. An ajagachne, to kada ni ok an to piny de orumo e ndaloni.

 

  Asayenu e lemba odiechien’g gi otieno maok anindi. Omiyo makuru jali gi lwetu ariyo.

En e Roho mar ngima, to en e dhano ma ineno ka Nyasaye. Siri mar Nyasaye ng’eyo tek—tan’guru un gi Ruoth!”

 

Note: (i) Ne Urwako Nyar Nyasaye...Kare nitiere Nyasaye ma Maria en Nyare.

(ii) Jehova Nyasaye...Kare Nyasaye no en achiel chande, nyinge Jehova, ok Maria.

(iii) An jagachne....Kare Maria nikod teko kuom Wuode, ogayenwa.

(iv) Aseyenu e lemba...Kare Maria bende lemo. Olamo n’ga? Nyasaye maok en. Okwanwa.

 

5.            Maria Luongo Ji e ode kuom teko Mar Nyasach Kwerene

“Ooyo! Oda aluonge ji kenda, kendo Wuora ma en Nyasach kwerena kendo Nyasach Jo-Israel ma gin anyuolana, kelona ji mowal kendo moyier ne ngima maokrum.”

(i)            Kendo Wuora...Maria nikod Wuon mare, Ma Nyasach kwerene, maok en. Yawa, winjo tek.

(ii)           Nyasach Jo-Israel, ma gin anyuolana...Kare Maria onyuol, kendo en gi anyuolane, gin Jo-Israel. En dhano man gi gunde, gi anyuolane.

 

 

6.            Maria Jachun’gnwa E Nyim Kom Nyasach Israel

“Un nyithinda, makuru Rosari gi Misa matek ka utweyo okanda. Saa ma gigi notimre noyud ka jawuond ma en aten’g-kristo nobed kochako tichne ratiro, kendo en bende noger ute mag lemo.

Noor ajenti mage ma nyiri kata machuo e kanise mag kanyakla mag jokristo, ma bende achun’g negi e nyim Nyasach Israel.”

Note: (i) Achun’g negi e nyim Nyasach Israel...wee! Maria karee n Jachun’g Marwa e nyim jal machielo, Nyasache, Nyasach kwerene, Nyasach Israel.

 

 

7.            Maria ochikoji mondo oyie Kuom Nyasaye Wuon

 

“Ndalogo masiche nobed man’geny ahinya. Gache noneg ji, to ma, nobed tich jachien. Tuoche madhero ji maok thiedhre nobi kendo noneg ji man’geny. Adhonde nomak ji maok changi.

  To n’gama oyie kuom Nyasaye gi Jesus Kristus ema piga mar hawi nochangi kolemo.

Messiah wuoda ema pod ogen’go nu jawuondno. To ka aseomo Messiah to jawuondno nobi mapiyo maok odeko.”

Note: (i) Ng’at ma Oyie Kuom Nyasaye...ok yie kuom Maria

(iii)         Kod Jesus Wuode...Ngeche wayie kuom Nyasaye Wuon, kod Nyasaye Wuoro.

 

 

8.            Maria odak e Polo kuma Iluongo ni Silita, opogore gi kar Kom Duong Didek Mtakatifu

 

“To sama ubiro neno ka Sulwe moro oringo marieny maler ahinya e polo to un’ge ni mano e ndekano.   Obiro oma otera Silita, to obiro duogo omo joga mane okela wuoth—podi awegi e piny gikonyo Oulo choko rombe.”

Note: Obiro oma otera Silita

“An ne giluonga ni Maria. Ne an nyar Silita.  Ne an gi ndege moro; ndekani ne ringo matek ahinya. Ne oringo mi okela ei kumoro e polo miluongo ni Paradiso. Kane osekela Paradiso, ben mar Paradiso noywak mamit e seche mane aidho platform mar Paradiso—nikech Paradiso ne dwaro rwaka gi mor.”

“An Maria nyar Silita, to abiro e bura Sayun nimar asetieko bura Paradiso.”

 

Note: Maria ok odak kuma kom duon’g mar Didek Mtakatifu nitiere e polo. Kodwaro romo kodgi, en wuoth. Ok en achiel kuomgi.

 

9.            Maria Jatich Nyasaye

Luke 1:38

“An jatich Ruoth, otimrena kaka iwachona

Note: Jatich ruoth mane? Kare nitiere Ruoth moro, maok Maria. Ruodhno en Nyasaye.

 

 

10.         Chuny Maria Puoyo Nyasaye

Luke 1:46-55

“Chunya puoyi Ruoth, Chunya osemor gi Nyasaye jawarna...”

Note: (i) Maria puoyo Ruoth

(ii) Maria mor kod Nyasaye...maok en Maria, to en Nyasaye majawar Maria bende.

 

Kiwinjo kumoro ni nitiere Maria moro mokawo kar Nyasaye, kendo modoko Nyasaye, tan’g ahinya.  Mano ok Bikira Maria, ma jatich Ruoth Nyasaye. Mano e kaka jachien nochakore, kobukore ni en be oromo alama.

An’go ma jachien kedogo e Legion Maria? Mondo kik walam Nyasaye. Kata Jesus Kristus ka Jachien teme, Satan nonyise wach lemo niya: “Ka igoyo chongi piny ma ilama.” Weyo lamo Nyasaye, kod lamo chwechne, kata nyiseche manono mag paro kod bau, kod gik maok Ruoth Jehova Nyasaye mar ogendini en dwach Satan malich ahinya.

 

 

 

 

 

 

 

 

 

 

 

 

 

 

 

 

Bura mar Conslium mar Torente

BIRO MAMA KOD BUCH POLO MAR TORENTE

1. An ne giluonga ni Maria. Ne an nyar Silita.

2. Ne an gi ndege moro; ndekani ne ringo matek ahinya.

3. Ne oringo mi okela ei kumoro e polo miluongo ni Paradiso.

4. Kane osekela Paradiso, ben mar Paradiso noywak mamit e seche mane aidho platform mar Paradiso—nikech Paradiso ne dwaro rwaka gi mor.

5. E sechego eka ndege mar Messia bende ne odonjo Paradiso, kendo oyudo ka ben mar Paradiso ywak; nikech Paradiso ne dwaro rwakowa gi mor.

6. Ndege mar Messiano, en neok obet e Paradiso—nikech en ndege ma donjo to wuok awuoka.

7. Kendo oringo matek ahinya nikech e sekend achiel en oringo mael 9,000. Ondik kor ndek Messiano ni “Jet Namba 9”.

8. To ka awachonu adieri, ndekego nitiere kodwa kae, ne wabiro kodgi e pinyka. Gin ndeke machal mag helikopta ma piyo kumoro amora.

9. Kane awuok ka abiro e piny, ne abiro kod oganda maduon’g mar jopolo. Nikech ndeka mane abiro godo ne oidhi kod jopolo kuom higni ochiko, ka ji idhe pilepile odiechien’g kod otieno.

10. Koro, e seche mane Messia wuok e Paradiso, ne okona niya: “In don’g irit kitabu, nyaka itia sei eka iwuogi.”

11. Sei ne onego aket kuom dweche ochiko kende, to ne okawa higni adek eka mondo atia sei.

12. Jodong polo mane wan godo e wuodha ne gin malaike Gabriel, Mikael, Rafael kod Latilati.

13. Latilati no en malaika ma huyo gi buombe piyopiyo; nikech e second achiel kende en ohuyo mael 10,000; buombe nikod teko moingo ndege.

14. Seche mane irwakowa Paradiso, mano ben mar Sayun pok oywak. Nikech kane awuok Silita, ne adhi Paradiso eka adhi Sayun—ma bende en kumoro e poloka.

15. To Paradiso e kuma nene adhi yale bura, kuma kweth maduon’g mar jopolo kod malaike ne oyuoro dhi neno lweny.

16. Mano emomiyo iwero wend paro lwenyno niya: “Oganda malaike ne jodhi yuoro lweny; lweny marwa mar Legion, alleluia wanalo lweny, gi teko mar Nyasaye.”

17. Eka ban’g kane atieko yalo bura, ne atin’go tawo gi remo, ma remo ne opukore kuoma.

18. Kane mano otimore, malaike ne ower niya: “Ruoth oparo an’go, koweyo tich kom duon’gne, ka odok e kit msumba, kokawo dhil kod masiche.”

19. Mano e wer mane malaike owero; kendo ema kane osewer to Latilati kane owinjo wer kower kamano, no owacho gi duol maduon’g niya: “Ooh, bura orumo!”

20. Eka Latilati ne owuok gi n’gwech kane oneno ka aseweyo kom duon’g mara mondo adog e kit msumba, ka aruako ogunia—ma en chuodho ma dhano luongo ni dende; rin’go, gi choke gi pi—kendo adhi idho ndege mondo adhi Sayun.

21. Kendo kane pok agik e ndege, kata oriti bende pok agoyo Paradiso, ne aoro wach Sayun e yor muya ka awacho niya: “An Maria nyar Silita, to abiro e bura Sayun nimar asetieko bura Paradiso.”

22. Bura ma Paradiso ne oyuare ahinya, kendo bura mane onego yal dweche ochiko ne oyal kuom higni adek; nikech chien’g bura ka chien’g bura ne ipenji mana wach achiel kendo kae to idok adoka.

23. Kane aseoro wach Sayun e kor muya, ne adonjo e ndege mondo adhi Sayun, nikech bura koro ne oserumo Paradiso.

24. Seche mane aidho ndege, polo ne okowa kod ben maywak kendo wer mamit, kendo maloso ka dhano.

25. Ne ben wer niya: “Paradiso oywe maler, Paradiso oywe maler.”

26. E sechego kane ben ywak kamano, Latilati ne ofuwo matek e kor polo kochomo Sayun; ne otelona mondo odhi oik oganda lweny man Sayun.

27. Ogendini mag lweny man Sayun ginie jogi: Jopadri, Jolevi, Jodiakon, Jonovina, kod ogendini mag Presidium.

28. Kane Latilati odonjo Sayun, ne obuogo ogendini man kuno ma okot mar Sayun majaywak dichiel e higa chien’gno ne onuoyo ywak.

29. Kendo kane okot oywak kamano, jolweny ma odak Sayun nowuok oko mar utegi ka gikirni, kendo kaok gitweyo matis, nimar okot mayuakga mana dichiel e higa ne onuoyo ywak.

30. Mi ne giwuok oko ka gipenjore niya, “En an’go? En wach manadi ma otimore?”

31. To okot ne omedo ywak, kendo ben mar Sayun ne ower niya: “Sayun oywe maler, Sayun oywe maler, malaike wer e Got.”

32. Malaika Mikael ema nodon’g koda e ndege, gin kod Gabriel kod Rafael.

33. Kendo kane ndekwa ringo e kor polo, Malaika Mikael nogoyo turbim mare mane engodo mondo onegodo Latilati e kor polo, kabende osechopo Sayun.

34. To Mikael neok oneno Latilati e kor polo, nikech ne oringo n’gwe lelo. Latilati en oringo moingo helikopta.

35. Jet mane aidho ne ringo mael 9,000 ban’g sekend achiel, to Latilati to ringo mael 10,000 e sekend achiel.

36. Malaika Latilati en jalweny mon’geyo lweny ahinya. Koro e seche mane olan’g mar Sayun ywakieno, ne oneno jachien ka bende goyo okot machielo mondo orochgo gigo mane timore Sayun.

37. Jachien ne goyo olan’g e piny machielo ma okiewo kod Sayun. Okot mar jachien ne ywak niya: “Higni gi higni, amen; higni gi higni, amen.”

38. Ka Latilati ne onene, ne oringo matek nyaka kuma ne jachien nitiere. Kendo ne omako jachien mi onyono piny gi tiende.

39. Kendo Latilati ne opado jachien kod pala mane en godo mar lweny, mi okwero jachien ni kik chak kel koko kendo.

40. Koro mano e kaka Latilati ne otelo dhi loso yora kuma ne adhi donjoe ei Sayun, ma en piny polo mokiewo kod Silita, kendo mokiewo kod Paradiso bende.

41. To an Maria ne aringo kuom dweche ochiko eka achopo Sayun, mano ka awuok Paradiso.

42. Mago duto bende ne otimore kane pok achopo kuma nene adhi goyoe oriti mogik ne jopolo eka mondo alor e pinyni.

43. Ei Sayun kuno, ogendini mag malaika ne hil kowinjo ni adhi kuno. Mi kane giromo ne Latilati, ne gipenje kuma Ruoth Manyako odon’gie, nimar ne girito mondo atia sei eka awuogi.

44. Sayun bende e kuma jopolo ne dhi goyonae oriti chuth ka alor e pinyni.

45. An Maria ne adonjo Sayun, kendo ne oromna kod oganda mag Sayun duto, kendo ben nower mamit Sayun niya: “Sayun oywe maler, Sayun oywe maler.”

46. Ban’ge, ka bura ma Sayun bende ne orumo, nikech en e bura ma ogik, koro wuoth ne ochiko pinyni mar abiriyoni.

47. Ndege mane abirogo ne oringo alanda mi nokalo piny Afrika.

48. To kane ochopo e piny machielo, eka ne awacho niya: “N’gan’g, pinyni ne asebire.” Mano ne wan e lwasi mar piny India. “Duoka mana e piny Afrika kocha.”

49. Eka ndeka ne oduoka e piny Afrika ma Ugwe, Wuok Chien’g, e dho nam Gumba (Viktoria), e piny Luo ma Milambo, ka wath Kanyamgondho.

50. Omiyo koro anyisou ni ndege moro biro ma enochok ji ka okelogi e Got Kalafare. Kendo ndegeno enochopi e kanise mag Legion Maria duto, kata mane osepodho.

51. Eka malaika nowuogi e ndegeno kendo enopenj niya: “Jo-Legion Maria man ka eke?” To jok ma onwan’go kanyo nokonegi niya: “Idhuru ndege.”

52. Kendo jogo duto moikore gi chik Presidium, kata man e mier oko, nowinj duond malaikano, kendo ginichop kanyo.

53. To jogo maok oikore ni Presidium, nobednigi matek, kendo ok ginichopi e ndegeno.

54. E kindego, Jo-Rasia nogo mbom ei piny, kendo giniket mbom e tunge piny duto.

55. Kendo mbom noneg ji mathoth ma e piny to gi gik moko mathoth man e piny yor Masawa kod Ugwe.

56. Kendo ji noywagre, kendo gik mangima notho.

57. Pinjego ji nothoe, kendo humbe lwenje ma Jo-Rasia kod nyithindegi nolandre e kor piny maonge kuma odon’g—to Got Kalfari ok ginigo kod mbom.

58. To e kindego, kata nibed mana n’gat molok e Legion Maria sano, kanoyudi ma maniidh ndegeno, ok initho.

59. Jo-Legion Maria nochoki duto ma noketgi ewi Kalfari, to modon’g maok ochoki, ginitho. To ndeke mag helikopta maga gi kende ema nodon’g e piny.