Weche Daniel Janabi
1. Daniel ma
Ja-Hulo; Daniel ne okoro wach ka ne owacho ni e ndalo mag giko piny, e ndalo go
ka uneno ka miriambo ng’eny e piny, bunde ng’eny e piny, kendo ka nyiduon’g kod
asili nogore, mondo ung’e ni seche oromo.
2. Daniel ne ok
oriambo (kuom) weche duto mane owacho. Got (mane owacho ni nomukre), adier Got
osemukore.
3. Kendo lemo
moro mar adiera mane owacho ni nowuogi e dier piny ma ji duto koda Sirikal
nomon godo ahinya, adier lemono osewuok, iluonge ni Legion Maria of African
Mission.
4. Kuom jo
miriambo, (kawuono) adiera osefwenyore; (kendo kuom) weche duto mane owacho
(adiera osenenore).
5. Adier jo
miriambo man’geny maok dwar lemo mar adier osefwenyore, (mana) kaka jok
mang’eny nene bende ok ne dwar Ruodhwa Jesus Kristus.
Ludh Jaraten’g
6. Daniel kendo
ne okoro wach ka owacho niya, jaraten’g molil (maraten’g) ahinya kaka chind
dakuon nobed e loch.
7. To loch gi
ok ginibedie nono ma onge lemo margi; kendo koth mar jaraten’g nobed koth
man’geny ma chiego cham e piny ban’g bet e loch.
8. Kend ka
ginibedi e loch, ok ginibed e kom kapod ok omigi ludh Juda mar loch.
9. Ludh Judani,
Juda en wuod Jakobo kendo owad gi Simeo, kendo owadgi Gad; Gad owadgi Naftali.
10. To e ndalogo,
ok nonyal migi luth nikwop pod ok onyuol wuoyi miluongo ni Simeo ma wuod
Jakobo. Ka osenyuol Simeo ei pinyno, e piny Jaraten’g ma wuod Jakobo, eka
Jaraten’g nonwan’g ludhe.
Chopo Singo Duogo Jesus Kristus
11. Jesus Kristus
ne owacho ni enomi ng’at (wuoyi) maduon’g (Esau) ludhe nikwop piny ok nyal
kethore e lwet ng’at (wuoyi) matin (Jakobo).
12. Koro unune
wuoyi matinno ka ogol luth e lwete kod lemo mare mar piny, kendo enochak lemo
marach mag yanyo Nyasaye. Kendo nomi pinyno kethre gi mach.
13. Bikra Maria
to ne olor mana e Chula mar Fatima, Hesbon Pochogis (Pochogol).
Tungni Piny Kod Loch Jorotenge
14. Yiengni piny
nobed malich miwuoro. Kite nowere gi (jo) wadgi kendo lowo ma iye mayande pok
uneno noum lowo ma oko, ma lowo ma oko nolokre nobed ma iye.
15. Kendo (jo)
kombe nolarre kendgi kuom jorotenge; kendo lwenje nobed mathoth mohewo piny.
16. Kendo
joraten’g noket Padri (Pete) maggi, Papa margi, gi Kadinache maggi; kendo
giniyud osimbo margi.
17. Nimar
(nikech) lemo gi uhuru mar lemo, gi osimbo mar pinyni, noyud ban’g tungni gi
sand man’geny.
18. To mana
Nyarombo mobet e kom ema noga pinye owuon. Enoga pinye ka en e polo ma ok ka en
a pinyni.
19. Nodonj kuom
ji ajiya gi wegi ma noga piny, kendo nomiye (nokel) kwe nikwop kanzuni
osen’gado ne piny bura.
20. Piny ok nobed
kod kwe (e kindego), ma ng’at mariek odonjie kanzuni.
Nyasaye Ohero Ji Duto
21. Nyasaye ohero
ji te. Nyasaye ohero ng’ato an’gata kata ober kata orach nikech (en ema) ne
okudho muche maoktho ni joketho.
22. Jesus owacho
ni en e yo to en e ngima. Adiera onge ng’ato ma nokadhe kod kadier ng’eye ka
dhi ka Wuoro.
23. Nyithindo
duto man e piny, mane ochwe kod lowo, par uru Wuonu mane ochweyou.
24. Nyasaye en
ewi piny, to Nyasaye en e tetni piny. Kendo Nyasaye en e dier ng’e piny ma piny
obedoe, to bende en e chuny piny.
25. Koth machwe
en mar Nyasaye, dhano be en mar Nyasaye.
26. Ber piny en
koth (machwe), kendo ber piny en chien’g matwoyo kuondo modhiek. Koth goyo piny
mondo piny obed maber kendo puothe ochiegi.
Nyasaye Nodoko Dhano Nikech Ohero dhano
27. Nimar dhano
en mana jabuoro e piny kendo enowach wechene duto ne Jesus owuon.
28. Nikech, kane
achweyo dhano, ne achweyo dhano ka momo. Kendo ne atucho dho dhano ma owuoyo,
kod um dhano ma oyweyo kendo it dhano ma winjo, mondo dhano oti mana tichne
kende owuon.
29. Kendo in
dhano, ban’g tiyo weche duto, mabeyo gi maricho, ichok wecheni mabeyo gi
maricho (duto), ikelna ka isechoko nimar an ne achweyi ka iler.
30. (In dhano)
mondo in iwuon igur marichoni kaka Jesus ne ogur ewi Msalaba. (Nimar ne ogur
Jesus ne) in dhano mondo eka ing’e ni aheri ahinya moloyo ringra.
31. Emomiyo ne
alokora wuoyi ma adhi atho ne in ewi Msalaba.
32. Kendo e Zaburi
ne awacho ni, udwaro tema kaka kwereu notema ei thim (kata ban’g) kane
gisechamo Manna mane (achiwonegi) e thim.
33. Mondo un’ge
ni wachno ok adwar, an Nyasaye mar adier maok dwar tem manono go.
Tekre Nyasaye
34. Nyasaye ne
ochoro dwe mabor mane odhi opimore gi giko wan’g. Nyasaye ne ochoro sulni
man’geny (mi) ne gidhi gi moko e kor polo.
35. Nyasaye ne
ochoro chien’g, ma chien’g ne okalo dwe mabor, foot mathoth modhi malo, to dwe
ne odon’g machiegni (nikech en) ema oyomo chuny dhano. Dwe ema rieny ka miyo nu
piny ler.
36. Mach maoktho
to ok norum; piny to noban ka kalatas, (bende) pugratori noban ka kalatas.
Masirni Mag Ndalo Giko
37. Mondo un’ge
ni ndalo giko unune masirni madongo dongo.
38. Nyasaye wuon
piny ochweyo dhano gi nungo lwete, gik moko duto tee to ne owacho awacha to
timore.
39. Nyasaye ng’at
ma wacho awacha to timore kaka owacho. Dhano kende ema ne ochweyo gi lwete, to
ka kite. Dhok ginigo to ne owacho awacha to timore.
Ngech Hera
40. Nyasaye ne
openjo ji duto; Nyasaye ne openjo ng’ato an’gata; ere owadu ma ihero ma dan’g
akonyni kae?
41. Ng’ato achiel
ne odwoko ni, owadwa ma odwa ema mondo ikonyna.
42. Eka Nyasaye
ne onyisogi (niya), heruru jowadu (dhano) duto. Ok ni akuongo ahero owetena kod
nyiminena ma e ot kapok ahero jowadwa (ji/dhano) duto.
43. Owetewa duto,
kata gibed ma e ot ma wang’eyo kod maok wuog kodwa eot kendo ok wan’geyogi, wan
duto wan lowo achiel mane Nyasaye ochweyo.
Teko Mar Lemb Yie
44. Lemo mar yie
ema konyo, kata ng’at ma tuo (en mochango).
45. (Kuom yieni)
Ruoth nochieri, ka in gi maricho nogolni.
Bikra Maria
46. Bikra Maria
Mtakatifu, ne onyuolo Ruodhwa ka oonge gi marach mar kodhi kata matin.
47. Bikra Maria
Mtakatifu, en nyar Eliakim, min mare to iluongo ni Anna.
Nyasaye Ok Dwar Kuo
48. Nyasaye ok
dwar kuo, kuo ok ber kuom Nyasaye.
49. Ng’at ma
kwelo, oketho bura mar abiriyo. (Ka) iketho ka in’geyo, idhi e mach.